Bul týraly Mańǵystaý oblysynyń qoǵamdyq kommýnıkasııa ortalyǵy habarlady. Alǵashqy ekeýi Qaraqııa aýdany Senek aýylynyń 1972, 1975 jyldary týǵan turǵyndary. Aǵaıyndy eki jigittiń dene qyzýy kóterilip, qatty aýyrǵan soń, inileri Jańaózen qalalyq aýrýhanasyna jeke kólikterimen alyp kelgen.
Birden olar juqpaly aýrýlar bólimine jatqyzylyp, synama alyndy. PTR dıagnostıkalyq zertteý nátıjeleri boıynsha COVID-19 dıagnozy naqtylandy. Barlyq jaǵdaı boıynsha naýqastarmen baılanysta bolýy múmkin adamdar toby anyqtalyp, olardy oqshaýlaý boıynsha jumys júrgizilip jatyr. Epıdemııaǵa qarsy sharalar jalǵasýda.
COVID-19 juqtyrǵan taǵy bir adam - ol Mańǵystaý aýdany Jyńǵyldy aýylynyń 1991 jylǵy turǵyny. «Teńiz» kenishinde vahtalyq ádispen eńbek etetin ol búgin Aqtaýǵa jetkizilgen bolatyn. Kelgen boıda oblystyq observasııalyq stasıonarǵa jatqyzylyp, synama alyndy. PTR dıagnostıkalyq zertteý nátıjeleri boıynsha COVID-19 dıagnozy naqtylandy. Qazir naýqaspen birge kelgen jumysshylar túgel tekserilip jatyr.
27.04.2020 j. jaǵdaı boıynsha óńirde barlyǵy 30 adamnan COVID-19 vırýsy tirkeldi: Aqtaýda – 17; Jańaózende – 4; Mańǵystaý aýdanynda – 4; Munaıly aýdanynda – 3; Qaraqııa aýdany – 2; Jazylyp shyqqany – 5; Qaıtys bolǵan – 1.
Mańǵystaý oblysy