Biz bir-birimen kórshi qonǵan eki el – Qazaqstan men О́zbekstandaǵy jaǵdaıdy bir-birimen salystyryp kórdik.
Qazaqstanda
Bir naýqasty koronavırýspen emdeý Qazaqstan bıýdjetine kúnine 15 myń teńge turady.
Bul týraly Áleýmettik medısınalyq saqtandyrý qorynyń basqarma tóraǵasy Aıbatyr Jumaǵulov málimdedi.
Qor basshysy respýblıkalyq bıýdjetten COVID-19 aldyn-alý sharalaryna shamamen 55,9 mlrd teńge qarastyrylǵanyn atap ótti.
Onyń ishinde 14,7 mlrd teńge ınfeksııalyq, ýaqytsha jáne karantındik stasıonarlarda emdelgen jaǵdaılardy tóleýge tólendi, 5,4 mlrd dıagnostıkalyq tekserýlerge, 35,8 mlrd teńge medısınalyq qyzmetkerlerge qosymsha jalaqy tóleýge jumsaldy.
«Biz «Qazaqstan Respýblıkasynda COVID-19 taralýyn boldyrmaý úshin tótenshe jaǵdaılardaǵy oqıǵalar úshin tólem» arnaıy toptamasyn usyndyq. Osy lottyń aıasynda 3 negizgi baǵyt anyqtaldy. Olar ınfeksııalyq, farmasevtıkalyq jáne karantındik aýrýhanalar jaǵdaıyndaǵy medısınalyq qyzmetter, epıdemııaǵa qarsy is-sharalarǵa qatysatyn densaýlyq saqtaý uıymdarynyń qyzmetkerlerin materıaldyq qoldaý boıynsha járdemaqy, COVID-19 vırýsyn anyqtaýǵa arnalǵan dıagnostıkalyq zertteýler», dep túsindirdi Aıbatyr Jumaǵulov.
Aýrýlarǵa aqy tóleý úshin Qor tıisti qyzmetterge tarıfter ázirledi. (olar Qazaqstan Respýblıkasy Densaýlyq saqtaý mınıstrliginiń tıisti buıryǵymen bekitilip, Qazaqstan Respýblıkasy Ádilet mınıstrliginde tirkelgen):
Karantındik aýrýhanaǵa jatqyzý koeffısıenti - 10 413,96 teńge; Aldyn ala aýrýhanaǵa jatqyzý tarıfi - 11 619,80 teńge;Táýlik boıy jumys isteıtin aýrýhananyń ınfeksııalyq bóliminde emdeletin jaǵdaı úshin tarıf 15 113,34 teńgeni quraıdy;
Sonymen birge, qor basshysy ınfeksııalyq, farmasevtıkalyq jáne karantındik aýrýhanalar arasyndaǵy aıyrmashylyqtarǵa toqtaldy.
«Dıagnoz rastalǵan jaǵdaıda naýqas juqpaly aýrýlar aýrýhanasyna jatqyzylady. Eger naýqasta jedel respıratorly vırýstyq ınfeksııalar nemese pnevmonııa belgileri bolsa, onda olardy baqylaý jáne emdeý úshin ýaqytsha aýrýhanaǵa jatqyzý kerek. Koronavırýspen aýyratyn naýqastarmen, sondaı-aq epıdemıologııalyq turǵydan qolaısyz elderden kelgen adamdar karantındik aýrýhanalarǵa jatqyzylady», dedi Aıbatyr Jumaǵulov.
Barlyq osy sharalar saý adamdarmen baılanysyn azaıtý jáne koronavırýstyń taralýyn boldyrmaý úshin jasalady.
О́zbekstanda
О́zbekstanda bir naýqasty emdeýge 32 mln sým bólingen. Koronavırýspen bir naýqasty emdeý ortasha eseppen bıýdjetten 32 mıllıon sým (3,1 myń dollardan astam) som bólingen.
Bul týraly Tashkentte ótken beıne formattaǵy brıfıngte Densaýlyq saqtaý mınıstri Álisher Shadmanov málimdedi.
Eger naýqastyń jaǵdaıy aýyr bolsa, reanımasııa bóliminde emdelý quny 64 mıllıon sýmǵa (6,2 myń dollar) deıin ósedi.
Memleket bir adamdy 14 kúndik karantınde ustaýǵa 2,4 mln (237 AQSh dollary), emdelýden keıin naýqastardy ońaltýǵa 2,8 mln sým jumsaıdy. Densaýlyq saqtaý mınıstrligi basshysynyń aıtýynsha, О́zbekstanda karantınde bar COVID-19 ınfeksııasy bar dep kúdiktelgen barlyq naýqastar memleket esebinen emdeledi.