Jańaqorǵan aýdanyndaǵy Tómenaryq aýylynyń turǵyndary úıi órtenip ketken jerlesterine jańa baspana satyp alyp berdi.
Tómenaryqtaǵy órt oqıǵasy osydan 3 kún buryn bolǵan. О́rt sóndirýshiler elektr júıesiniń tuıyqtalýynan bastalǵan jalyndy sóndirgenmen úı jaramsyz kúıge túsken bolatyn. Baspanadaǵy barlyq múlik pen qujattar da janyp ketken.
Osy úıdiń turǵyny Myrzabek Jıenbaevtyń synyptas dostary jáne aýyldastary eki kúnniń ishinde alys-jaqyndaǵy aǵaıynnan 4 mln teńgeden asa qarjy jınapty. Oǵan eldi mekendegi jańa úılerdiń biri satyp alyndy. Qarjynyń qalǵany otbasynyń ózge qajettiligine jaratylady.
Bul ıgilikti iske aýyl ákimi Nurken Qoshqarbekov, aýdandyq máslıhat depýtaty Narymbet Kóljanov jáne ózge de belsendi azamattar uıytqy boldy.