«iQala» qalalyq qyzmet kórsetý ortalyǵy shaǵyn jáne orta bıznes ókilderi úshin Nur-Sultan qalasynda avtokólik qozǵalysyna ruqsat alý qyzmetin avtomattandyrdy. Bul qyzmet Nur-Sultan qalasynda ruqsat etilgen qyzmet túrleriniń tizimine kiretin shaǵyn jáne orta bıznes ókilderi úshin qoljetimdi.
«О́tinimdi msb.iqala.kz portalyna kompıýter nemese noýtbýk arqyly ǵana bere alasyz. Zańdy tulǵanyń elektrondy sıfrlyq qoltańbasy qajet. Sondaı-aq mynadaı mınımaldy málimetter jıyntyǵy qajet: uıymnyń bıznes-sáıkestendirý nómiri (BSN), júrgizýshiniń / jolaýshynyń JSN-y, avtokóliktiń tirkeý nómiri, baılanys telefony men elektrondy poshta jáne qozǵalys maqsaty», – delingen habarlamada.
Portal arqyly bir kompanııa úsh ótinimge deıin bere alady. Olardyń árqaısynda tórt avtokólikten kóp emes jáne ár avtokólike on qyzmetkerge deıin málimet berýge bolady.
О́tinishter qalalyq jedel shtabta qaralyp, «Sergek» júıesine jiberiledi. «Sergek» júıesinen óńdeýge qatysty ruqsat alǵannan keıin ótinish berýshiniń elektrondy poshtasyna ótinishti qaraý nátıjeleri týraly habarlama jiberiledi.
«iQala» qalalyq qyzmet kórsetý ortalyǵy memlekettik qyzmet kórsetýdi jeńildetý jáne avtomattandyrý maqsatynda qurylǵan. Búgingi tańda iqala.kz portalynda Nur-Sultan qalasynyń túrli uıymdarynyń jeke jáne zańdy tulǵalaryna arnalǵan 129 qyzmet túri qoljetimdi.