2020-2025 jyldarǵa arnalǵan memlekettik densaýlyq saqtaý salasyn damytý baǵdarlamasy aıasynda respýblıka boıynsha aýrýhanalardyń ınfraqurylymyn jańartý josparlanýda. Eskirgen 40 nysannyń ornyna halyqaralyq deńgeıde 16 kópbeıindi aýrýhana (oblystyq kópbeıindi aýrýhanalar, qalalyq kópbeıindi aýrýhanalar, ýnıversıtettik klınıkalar) salynady. Bul týraly DSM baspasóz qyzmeti habarlady.
Aýrýhanalardyń jobasy zamanaýı tehnıkalyq sheshimderge sáıkes jasalady, uzaq merzimdi kelisimsharttar aıasynda medısınalyq tehnıkamen, aqparattyq júıemen qamtamasyz etiledi jáne tehnıkalyq qyzmet kórsetiledi.
Árbir stasıonarda pasıentterdi ýaqtyly jáne sapaly dıagnostıkalaý men emdeýge, klınıka qyzmetkerleriniń qaýipsizdigin qamtamasyz etýge, medısınalyq uıymdardyń ınfeksııalyq emes jelisindegi júktemeni tómendetetin qazirgi zamanǵy ınfeksııalyq korpýstar salý josparlanýda.
Aýrýhanalar memlekettik-jeke menshik áriptestik jáne basqa da uzaq merzimdi kelisim-sharttar sheńberinde salynady dep josparlanýda, bul bıýdjet shyǵynyn tómendetýge, shetelden kapıtal, aýrýhanalar qurylysyna jańa tehnologııalar tartýǵa jáne densaýlyq saqtaý obektilerin paıdalaný sapasyn arttyrýǵa múmkindik beredi.
5-6 jyl ishinde halyqaralyq Joint Commission International (JCI) standartyna sáıkes 8000 oryndyq joǵary tehnologııalyq aýrýhanalar jelisin qurýǵa bolady.
Bul jobalardy halyqaralyq deńgeıde aýrýhanalar salý jáne paıdalaný boıynsha tájirıbesi bar otandyq jáne sheteldik kompanııalar júzege asyrady.
Aýrýhanalar qurylysynyń jobalaryn ýaqtyly iske asyrý úshin densaýlyq saqtaý salasyndaǵy operator - jobalaý kompanııasy qurylady (zańdy tulǵany qurý týraly NQA jobasy ashyq NQA saıtynda ornalastyrylǵan).
Kompanııanyń negizgi mindetteri:ázirleý kezeńinde barlyq jobalardy ákimshik basqarý jáne úılestirý, MJÁ sharttaryn jasasý jónindegi sharalardy iske asyrý (onyń ishinde MJÁ sharttary boıynsha memlekettik áriptes jaǵynda áreket etý);MJÁ sharttary boıynsha (árbir shart boıynsha 400 jýyq sapa kórsetkishi) jeke áriptes mindettemeleriniń oryndalýyn baqylaý.