Gollandııalyq Hardt Hyperloop kompanııasy Hyperloop júıesi arqyly aldaǵy 8 jyl ishinde tómen energııa tutyna otyryp barar jerge jyldam jetkizedi. Kompanııa ókilderiniń aıtýynsha, máselen Parıjden Amsterdamǵa 90 mınýtta jetýge bolady.
Hardt Hyperloop magnıtti levıtasııa jáne jartylaı vakýýmda qoldaý kórsetiletin bolat qubyrda jyldamdyǵy 1000 km/saǵattan astam jelilik elektr qozǵaltqyshynyń kómegimen qozǵalatyn aerodınamıkalyq konteıneri bar asa jyldam kólik tehnologııasyn ázirleıdi.
Soltústik Gollandııa provınsııasynda júrgizilgen jańa zertteýlerge sáıkes, joba 2028 jyly jumysyn bastaı alady. Kompanııa ókilderiniń aıtýynsha, bul joba ekonomıkalyq jaǵynan tıimdi bolady.
Jyldam kólik tehnologııasy ár baǵytta saǵatyna 200 myń jolaýshyny tasymaldaı alady. Jańa kólik túri poezdben Amsterdamnan Parıjge baratyn ýaqytty eki ese qysqartady. Hardt Hyperloop ókilderiniń aıtýynsha, Amsterdamnan Eındhovenge jetý - 15 mınýt, Dıýsseldorfqa - 30 mınýtqa jýyq ýaqyt, al Brıýsselge jetý úshin bir saǵattan az ýaqyt ketedi. Mundaı ýaqytty únemdeý júıesi Soltústik Gollandııa provınsııasynyń IJО́-ge qosymsha 275 mıllıard eýro ákeledi degen boljam bar.
«Biz adamdardyń jumysqa barý úshin eń kóp degende bir saǵat ýaqyt jumsaıtynyn bilemiz. Joǵary jyldamdyqty gıpersıkl arqyly osy ýaqyt ishinde áldeqaıda úlken qashyqtyqty eńserýge bolady. Bul kóp úmit syılaıtyndaı estiledi. Sondyqtan biz osy zertteýdi alǵa jyljytý úshin basqa bılik organdarymen talqylaýlarǵa qatysamyz», - dedi Soltústik Gollandııa provınsııasynyń jergilikti bılik organynyń ókili Ierýn Oltof.