Memleket Basshysy Qasym-Jomart Toqaevtyń tótenshe jaǵdaıdy uzartý jáne jeńildetilgen karantındik sharalardy engizý týraly málimdemesine oraı Almaty oblysynda da tıisti shara qabyldandy. sáıkes kezeń-kezeńimen jeńildetilgen karantın sharalary engiziledi. Osyǵan baılanysty oblystyń bas memlekettik sanıtarlyq dárigeri Qaırat Baımuhambetov arnaıy qaýly qabyldady.
Endi oblys turǵyndary qajettilikke baılanysty birqatar jeńildik sharasyn paıdalan alady. Atap aıtqanda, adamdarǵa saǵat 05.00-20.00 aralyǵynda rastaıtyn qujat usyný arqyly baý-baqshaǵa, saıajaılarǵa barýǵa ruhsat etildi. Osy baǵyttarǵa júretin qoǵamdyq jáne jeke kólikterge salynǵan tyıym alynyp tastaldy. Baý-baqsha seriktestikterine, saıajaılarǵa baratyn qoǵamdyq kólikter saǵat 05.00-den 20.00-ge deıin júretin bolady. Biraq, baǵbandarǵa óz saıajaılarynda qonaq shaqyrýǵa, is-shara ótkizýge tyıym salynady. Olar jumys barysynda 2 metrlik ara qashyqtyqty saqtap, medısınalyq maskalar taǵyp, antıseptıkter paıdalanýdy jalǵastyrýy tıis. Sondaı-aq, azamattarǵa aýla ishindegi aýmaqtar men balalar alańdarynda saǵat 09.00 men 20.00 aralyǵynda serýendeýge ruqsat etiledi. Oblys turǵyndary bir-birimen qol alyspaýy tıis, adamdar arasyndaǵy 2 metrlik qashyqtyqty saqtap, medısınalyq maskalar taǵyp, antıseptıkter paıdalana berýi kerek.
Al COVID-19 ınfeksııasynyń tirkelýine baılanysty karantınniń kúsheıtilgen rejımi engizilgen eldi mekender men nysandar aýmaǵynda qozǵalysqa salynǵan tyıym saqtalady. Jańa qaýlyǵa sáıkes avtojýý, tehnıkalyq qyzmet kórsetý stansııalary, dóńgelek jóndeý qyzmeti saǵat 10.00-den 20.00 aralyǵynda óz jumystaryn jalǵastyra alady. Sol sııaqty tańerteńgi 09.00-den keshki 16.00 aralyǵynda hımııalyq tazartý, kir jýý oryndary da jumystaryna kirisedi. Zań qyzmetin kórsetetin sýbektiler men notarıýstar tapsyrys boıynsha saǵat 10.00-nan 20.00-ge deıin jumys isteıdi.
Munan bólek, avtobólshekter satatyn, qurylys materıaldaryn saýdalaıtyn jeke turǵan dúkender de saǵat 09.00 men 18.00 aralyǵynda ashyq bolady. Ekinshi deńgeıli bankter men olarǵa qarasty aqsha aıyrbastaý pýnktteri, nesıelik seriktestikter, mıkroqarjylyq uıymdar qalypty rejımde jumystaryn jalǵastyrady. Kúzet qyzmeti uıymdary, joldar men kópirlerdi kútip-saqtaıtyn, sonyń ishinde temir joldarda qyzmet kórsetetin nysandar da jumysqa kirisedi. Bul rette karantın kezinde jumys isteıtin nysandar sanıtarlyq-dezınfeksııalyq talaptardy qatań saqtaýy tıis.