Shymkenttik polıseıler qaraqshylyq jasaǵan eki er adamdy ustady. Qaskúnemder 23 sáýirde qala turǵynynyń smartfonyn kúsh qoldanyp, tartyp alǵan.
Ál-Farabı aýdandyq polısııa basqarmasynyń tergeýshisi Jalǵas Halıla krımınaldyq polısııa, patrýldik polısııa polki jáne jergilikti polısııa qyzmetiniń qyzmetkerlerimen birlese atqarǵan jumystyń nátıjesinde quqyq buzýshylardy izin sýytpaı anyqtap, quryqtady.
Olar 30 jastaǵy Nur-Sultan qalasynyń jáne 37 jastaǵy Túrkistan oblysynyń turǵyndary bolyp shyqty. Olardan uıaly telefon alynyp, ıesine qaıtaryldy.
Atalǵan jaıt Qazaqstan Respýblıkasynyń Qylmystyq kodeksiniń 191-babynyń 2-bóliginde (tonaý) kózdelgen quqyq buzýshylyq belgileri boıynsha sotqa deıingi tergep-tekserýdiń biryńǵaı tizimine tirkeldi. Kúdiktilerge qatysty sottyń sanksııasymen eki aı kúzetpen ustaý túrindegi bultartpaý sharasy qoldanyldy.
Shymkent