Batýttyq gımnastıkadan ótken respýblıkalyq onlaın-týrnırde Qaraǵandy qalasynyń komandasy aldyna jan salmady.
Almaty, Pavlodar, Taraz jáne Qaraǵandy qalalarynyń óte myqty jas batýtshylary baq synaǵan jarysta jattyǵýlardyń oryndalý jyldamdyǵy ǵana emes, sonymen qatar olardyń sapaly jasalýy da qatań túrde qadaǵalandy.
Onlaın-týrnırdiń qorytyndysynda Qaraǵandynyń «Shahter-2» komandasy chempıon atansa, «Shahter» ujymy kúmis júldeni mise tutty.
«Balalarymyzdyń jetistigine qýanyshtymyz, árıne. Degenmen, jattyqtyrýshylar men sportshylar tolyqqandy jattyǵý jáne qarym-qatynas jasaý úshin zaldarǵa qaıtyp oralýdy taǵatsyzdana kútedi», deıdi Qaraǵandy gımnastıka mektebiniń basshylyǵy.
Qaraǵandy oblysy