Sybaılas jemqorlyqqa qarsy is-qımyl Agenttiginiń Shymkent qalasy boıynsha departamenti sybaılas jemqorlyqtyń sebepteri men jaǵdaılaryn joıý boıynsha usynýlardy onlaın formatta qaraý tájirıbesin jalǵastyrýda (QR QPK 200-baby sheńberinde).
Búgin qalalyq Sybaılas jemqorlyqqa qarsy qyzmeti basshysy A.Jumaǵalı men Polısııa departamentiniń bastyǵy E.Jumahanbetovtyń qatysýymen jıyn ótti.
Is-shara barysynda sybaılas jemqorlyq qylmys jasaǵan Ishki ister organdarynyń qyzmetkerlerine qatysty qylmystyq ister boıynsha birqatar usynýlar qaraldy.
Brıfıng barysynda A.Jumaǵalı tótenshe jaǵdaı kezindegi Departamenttiń jumysyna, sondaı-aq sybaılas jemqorlyqqa qarsy is-qımyl boıynsha qabyldanyp jatqan sharalarǵa toqtaldy.
«Jemqorlyqty anyqtaýǵa jáne onyń sebepterin joıýǵa baǵyttalǵan aldyn alý sharalaryn jasaqtap, daıyndaý bizdiń ortaq mindetimiz.
О́kinishke oraı, búgingi tańda polısııa qyzmetkerleri sybaılas jemqorlyq quqyq buzýshylyq sýbektileri bolyp tabylatyn keıbir faktiler oryn alýda.
Sondyqtan da, osy otyrystyń basty maqsaty, sybaılas jemqorlyqqa jol bermeý, olardyń aldyn alý bolyp tabylady» - dep atap ótti Ashat Jumaǵalı.
Sybaılas jemqorlyqqa qarsy is-qımyl Agenttiginiń qalalyq departamenti basshysynyń orynbasary B.Ýzynjas qylmystyq isterdiń mán-jaılary, sondaı-aq sybaılas jemqorlyq kórinisterine jol bermeý boıynsha naqty usynystar engize otyryp baıandama jasady.
О́z kezeginde qalalyq Sybaılas jemqorlyqqa qarsy is-qımyl Agenttiginiń qalalyq departamenti basshysynyń birinshi orynbasary T.Serikbaev memlekettik organdardyń birinshi basshylarynyń qol astyndaǵylardyń sybaılas jemqorlyq quqyq buzýshylyqtar jasaǵany úshin jaýapkershiligi týraly zańnama normalaryn túsindirdi.
Usynýlardy qaraý barysynda polısııa qyzmetkerleri arasyndaǵy sybaılas jemqorlyq áreketterine yqpal etý sebepteri men jaǵdaılary egjeı-tegjeıli qaraldy.
Onlaın keńes qorytyndysy boıynsha Shymkent qalasynyń polısııa basshylyǵyna birqatar basshylardy tártiptik jaýapkershilikke tartý jáne sybaılas jemqorlyqtyń aldyn alý boıynsha jumysty kúsheıtý usynyldy.
Aıta keteıik, jyl basynan beri 6 polısııa qyzmetkeri qylmystyq jaýapkershilikke tartylyp, 1 tulǵaǵa qatysty aıyptaý úkimi shyǵaryldy.
Shymkent