Tótenshe jaǵdaı kezinde halyqtyń tabys kólemi azaıyp, jınaǵan qarajaty taýsylyp, kún kórý úshin qaryz alýǵa týra keledi. Qarjy naryǵyn retteý jáne damytý agenttiginiń Qarjylyq qyzmetterdi tutynýshylardyń quqyqtaryn qorǵaý departamentiniń dırektory Aleksandr Terentevtyń aıtýynsha, dál qazirgi jaǵdaıda nesıege qarajat alýǵa asyqpaý kerek.
̶ Kredıt – yńǵaıly jáne kóbine asa qajet qarjy quraly. Qaryzǵa alynǵan aqshany erte me, kesh pe esep aıyrysý jáne kredıtti paıyzdarmen, al eger kredıtti onlaın kredıtorlardan alý qajet bolsa, tipti úlken paıyzdarmen qaıtarý kerek bolady. Qaryzdarǵa qyzmet kórsetý boıynsha óz múmkindikterińizdi árdaıym aıqyn baǵalańyz, ̶ deıdi. Onyń aıtýynsha, koronavırýs pandemııasy adamnyń erteńgi kúnine degen seniminiń qanshalyqty qaýqarsyz ekenin kórsetti. Eger daǵdarys uzaqqa sozylsa, jaǵdaı ózgerýi múmkin be? Burynǵy jumys ornyńyzdy saqtaı alasyz ba álde qazirgi ýaqyttaǵydaı karantınde otyrýǵa májbúr bolasyz ba? Densaýlyǵyńyz syr bersa, kredıt boıynsha tólemderdi júzege asyra alasyz ba? osy máselelerdi aıqyndap alyp nesıe alý kerektigin eskertedi Qarjylyq qyzmetterdi tutynýshylardyń quqyqtaryn qorǵaý departamentiniń dırektory.
Onyń aıtýynsha, burynǵy jaıbaraqat ómirdiń ózinde qaryz alýshylardyń barlyǵy kredıttik uıym aldynda óz qaryzdaryn óteı almaǵan.
̶ Onlaın-qaryzdy otbasylyq bıýdjetińizdiń oısyraǵan jerin «jamaıtyn» tásilderdiń biri dep qabyldaýǵa bolmaıdy. Árıne, onlaın-kredıtorlardan «jalaqyǵa deıin kredıt ala turý» ońaı tásil, alaıda qaryzdar boıynsha tóleıtin paıyzdaryńyz ekinshi deńgeıdegi banktermen salystyrǵanda aıtarlyqtaı joǵary bolady. Mundaı qaryzdar boıynsha kredıttik tólemder bolashaqta ózińizge shamadan tys aýyrtpalyq túsiredi,- deıdi qarjy retteýshisiniń ókili.
Osy rette, aqshalaı salymdar arqyly joǵary kiris alýǵa senim tudyratyn kúmándi jobalarǵa aqsha salýdan saq bolý kerek. Daǵdarys kezderinde ádettegideı, qarjylyq alaıaqtar belsendi bola bastaıdy.
̶ Árıne, qysqa merzimde keremet paıda ákeletin sıqyrly qarjy quraldaryna qarjy salý úshin qaryz alýshylar kredıt alyp, aqshalaryn táýekel etedi. Qarjylyq alaıaqtar óz «oıyndaryn» júrgizip, pandemııa jaǵdaıynda tipten belsendi bolýda jáne túrli alaıaqtyq shemalardy oılap taýyp jáne iske asyra otyryp, azamattardy ebin taýyp tonap júr, - deıdi A.Terentev.