Elbasy Nursultan Nazarbaev negizin qalaǵan «Birgemiz» qory janynan qurylǵan «Almaty Birgemiz» jobasynyń qoldaýymen buǵan deıin áleýmettik turǵydan az qamtylǵan 23 myń 472 almatylyq 50 myń teńge kóleminde aqshalaı kómek alǵanyn aıtqan edik. Tótenshe jaǵdaı merziminiń uzartylǵanyna baılanysty atalǵan kómek azamattarǵa ekinshi márte berilip jatyr.
«Elbasy Nursultan Nazarbaev 27 sáýir kúni az qamtylǵan otbasylarǵa áleýmettik tólemdi ekinshi ret berýge tapsyrma bergen edi. Ol tapsyrmanyń qazir 90 paıyzy oryndaldy. Ekinshi rettik áleýmettik tólem alatyn azamattardyń sany birinshige qaraǵanda kóbeıdi. Qala boıynsha kómekti alýǵa quqyly 28 592 adam tizimde bar. Búginde onyń 25 myńnan astam otbasy atalǵany aqshany alyp úlgerdi», – deıdi «Almaty birgemiz» óńirlik qorynyń jetekshisi Borıs Japarov.
Kómekke qol jetkizetin azamattardyń tizimin Eńbek jáne halyqty áleýmettik qoldaý mınıstrligi ázirlegen. Turǵyndaǵa eshqandaı qujat ótkizýdiń qajeti joq. Buǵan deıin jaýapty mamandar kómekke muqtaj azamattardyń telefonyna sms habarlama jiberiletinin málimdegen bolatyn.