Jazy qysqa, jylýy az bizdiń óńir úshin kókónis ósirý qııapat sharýa. Áıtse de, jekelegen aýdandarda jylyjaı salyp jap-jaqsy ónim alyp otyrǵan mysaldar az emes.
Taıaýda Zerendi aýdanynyń ákimi Baýyrjan Ǵaısamen júzdesken sátinde oblys ákimi Ermek Marjyqpaev kókóniske kóńil aýdarý kerektigin tııanaqtap tapsyrdy. Oǵan barlyq múmkindik bar. Qunarly jer de, sý da jetkilikti. Daıyn ónimdi ótkizý de eshbir qıyndyq týǵyzbaıdy. О́ıtkeni , básekelestik bel alyp turǵan joq. Eger dıqandar osy jumysty myqtap qolǵa alsa, ózderi de tabysqa kenelip, ári bazar baǵasyn arzandatýǵa sep bolar edi.
Aýdanda kóktemgi egis naýqany bastalyp ta ketti. Barlyǵy 120 myń gektar jerge ylǵal jabý jumystary júrgizilgen. Keıbir sharýa qojalyqtary ótken jylmen salystyrǵanda tanap basyna kesh shyǵyp otyr. Egiske qajetti tuqym otandyq óndirýshilerden satyp alynǵan. Ázirge 8000 gektar jerge dán sińirildi.
–Bizge júktelgen mindet kóp. Agrarlyq jyl bastalýda. Aýyl sharýashylyǵymen aınalysatyndarǵa memleket 5 paıyzdyq jeńildikpen nesıe berýde, dızel otynynyń 1 lıtri 165 teńgeden satylýda. Úkimet tarapynan qoldaý kóp. Sondyqtan, barynsha eńbekteneıik,–dedi, Aqmola oblysynyń ákimi Ermek Marjyqpaev.
Bıyl qar qalyń túskendikten ylǵal da mol. Dıqan qaýymynyń eńbegi aqtalatyn-aq jyl bolyp tur.
Aqmola oblysy