Túrkistan oblysynda túrli jobalar men aksııalardy qoldap, qaıyrymdylyq kórsetip jatqan jomart jandar sany kún sanap artyp keledi.
Mysaly, Tólebı aýdanynyń eriktileri áleýmettik az qamtylǵan jáne kópbalaly otbasylarǵa azyq-túlik taýarlaryn taratty. Stýdent jastar óz qaltalarynan qarjy jınap, oǵan kúndelikti tutynatyn azyq-túlik alǵan. Jastar aldaǵy ýaqytta da saýapty is jasaýǵa nıetti azamattardyń basyn qosyp, muqtaj azamattarǵa kómek qolyn sozýdy josparlap otyr.
Igilikti isten Ordabasy aýdandyq polısııa basqarmasy da shet qalǵan joq. Olar «Biz birgemiz!» aksııasy aıasynda aýdandaǵy áleýmettik kómekke zárý otbasylarǵa azyq-túlik pen kúndelikti tutyný zattaryn taratty.
«Elimizde ótip jatqan «Biz birgemiz!» qaıyrymdylyq aksııasyn qoldap, muqtaj jandarǵa óz kómegimizdi kórsettik. Mundaı qoldaý kórsetý sharalary aldaǵy ýaqytta da óz jalǵasyn tabady», deıdi aýdandyq polısııa basqarmasy bastyǵynyń mindetin ýaqytsha atqarýshy Ǵalymjan Qýashbaev. Al kómek alǵan otbasylar polıseılerge izgi tilekterin bildirip, alǵys aıtýda.