Sybaılas jemqorlyqqa qarsy is-qımyl agenttiginiń Túrkistan oblysy boıynsha Departamenti bastamasymen oblys ortalyǵynda ornalasqan birqatar saýda oryndaryndaǵy áleýmettik mańyzy bar taýarlardyń baǵa turaqtylyǵyna montıorıngtik baqylaý jumystary júrgizildi.
Quramynda Departament basshysynyń birinshi orynbasary Mıras Qarǵabaı, Nur Otan partııasy oblystyq fılıalynyń baqylaý jónindegi ınspektory Asqar Erkinbekov pen «Túrkistan – adaldyq alańy» jobalyq keńsesiniń menedjerleri, qoǵam belsendileri, BAQ ókilderi bar monıtorıngtik top qala turǵyndary jıi bas suǵatyn «Shapaǵat», «Dastarhan» iri saýda ortalyqtaryna baryp, azyq-túlik ónimderiniń baǵa turaqtylyǵyna zerdeleý jumystaryn júrgizdi.
Un, kúrish, kúnbaǵys maıy syndy taýarlar bekitilgen turaqty shekti baǵamen satylymǵa shyǵarylyp jatqanymen birqatar kemshilikter de anyqtaldy. Máselen, halyq jıi tutynatyn 9 túrli azyq-túlik taýarlarynyń (un, nan, makaron, kúrish, sıyr eti, taýyq jumyrtqasy, kúnbaǵys maıy, as tuzy, qaraqumyq jarmasy) shekti baǵasy kórsetilgen nusqaýlyqtardyń kópshiliktiń kózi túsetin oryndarda ornalastyrylmaǵandyǵy jáne kishi azyq-túlik dúkenderinde shekti baǵadan ósirý derekteriniń kezdeskendigi málim boldy. Bul oraıda jeke kásipkerlerge eskertý jasalyp, saýda nysanyndaǵy áleýmettik mańyzy bar azyq-túlikter bekitilgen shektik baǵaǵa keltirildi.
Departament halyqqa qajettiligi joǵary taýarlardy negizsiz ósirýge jol bermeý maqsatynda qoǵamdyq baqylaýdy turaqty túrde júrgizip turmaq.
Túrkistan oblysy