Túrkistan oblysynda karantındik rejım jeńildetilgen bolatyn. Bul oraıda tótenshe jaǵdaı talaptaryn saqtaý, qadaǵalaý mańyzdy. Túrkistan - Kentaý blok-beketinde oblys ortalyǵynan Kentaý qalasyna baǵyt alǵan jolaýshylardyń ruqsatnama qaǵazdary júıeli túrde tekserilmeıdi jáne beketten tysqary aımaqtan ótip jatqan qozǵalysqa baqylaý júrgizilmeıdi.
Sybaılas jemqorlyqqa qarsy is-qımyl agenttiginiń Túrkistan oblysy boıynsha Departamenti júrgizgen monıtorıngtik baqylaý jumystary kezinde osyndaı kemshilikter anyqtalǵan. Bul boıynsha polısııa jáne áskerı qyzmetkerlerge eskertý jasalyp, rejımge sáıkes jumys atqarý boıynsha birqatar usynystar aıtyldy. Dese de, baqylaý jumystary barysynda Departament basshysynyń birinshi orynbasary Mıras Qarǵabaı bastaǵan monıtorıngtik top músheleri medısına mamandary men tártip saqshylarynyń jáne áskerı qyzmetkerlerdiń qala turǵyndarynyń saýlyǵy jolynda qas qaqpaı qyzmet etip jatqandyǵyna kóz jetkizdi.
Sondaı-aq Túrkistan qalasy ákimdiginde ornalasqan sıtýasııalyq ortalyqqa baryp, beınebaqylaý kameralary arqyly qala aýmaǵynda qoıylǵan barlyq blok-beketterdiń jumys isteý tártibi men talaptardyń qatań saqtalý barysymen tanysty.
Túrkistan oblysy