Bul týraly Memleket basshysy Qasym-Jomart Toqaev «Egemen Qazaqstan» gazetine bergen suhbatynda aıtty.
«Biz Qazaqstanda tótenshe jaǵdaıdy der kezinde jarııaladyq. Osyndaı sharalardyń arqasynda vırýstyń jappaı taralýyna jol bermeı, qoǵamdaǵy turaqtylyqty saqtap otyrmyz. Daǵdarysqa qarsy sharalar úshin 6 trıllıon teńgege jýyq qarjy bólingenin bilesizder. Eń aldymen, jumyssyz qalǵandarǵa 42 500 teńge mólsherinde tólem jasaýdy uıǵardyq. Jalpy, 4,2 mıllıon adam bul kómekti aldy. Ony ekinshi aıda da jalǵastyramyz. Budan bólek, 1 mıllıondaı muqtaj jandar azyq-túlikpen jáne qajetti zattarmen qamtamasyz etiletin boldy», - dedi Q. Toqaev.
Prezıdent atap ótkendeı, pandemııa búkil álemniń qalypty tirshiligine aıtarlyqtaı áser etti.
«Indettiń saldarynan dúnıe júzinde ekonomıkalyq belsendilik kúrt tómendegenin kórip otyrsyzdar. Shıkizat baǵasynyń quldyraýy ekonomıkalyq jaǵdaıdy qıyndatatyny anyq. Halyqaralyq valıýta qorynyń paıymdaýynsha, bıyl álemdik jalpy ishki ónim edáýir tómendeıdi. Árıne, mundaı daǵdarystan keıin ekonomıkany qalpyna keltirý ońaıǵa túspeıdi. Shuǵyl áreket etpese, álemdik resessııa kúrdelene bermek. Sondyqtan shamasy jetetin elder óz azamattaryna qoldaý kórsetý úshin naqty jumystar júrgizýde», - degen Memleket basshysy daǵdarysqa qarsy sharalar úshin 6 trıllıon teńgege jýyq qarjy bólingenin atap ótti.