Volonterler ustanymy berik

– EKSPO-2017 halyqaralyq kór­mesinde bizdiń oblystan 200-ge jýyq volonter qatysqanyn maqtan etemiz. Aramyzda Farhat Maqyshev, Janna Tasybaeva, Iаna Ivleva sııaqty «Úzdik volonterler» de bar. Bizde «Volonter kodeksi» bar. Kodekste volonterlerge qoıylatyn talaptar men olardyń jeke basynyń quqyǵyn qorǵaý máseleleri qarastyrylǵan. Volonterdiń eń birinshi erejesi – erkin túrde qolushyn berý. Joǵary oqý oryndarynda, kolledjderde 20-dan astam volonterler uıymy bar. Onyń úsheýi «Qazaqstan alıýmınıı zaýyty» AQ, «Qazaqstan elektrolız zaýyty» AQ jáne «Kastıng» JShS kásiporyndarynda qurylǵan. Biz árbir isine nemquraıly qaramaı, jaýapkershilikti sezinetin jastardy qatarymyzǵa qosylýǵa shaqyramyz, – deıdi «Volonterlerdi daıarlaý uıy­mynyń» kóshbasshysy, «Úzdik volonter» ataǵyn alǵan Aıajan Qurmanova.

Aıajan aıtqandaı, árbir isine nem­quraıly qaramaıtyn, jaýapker­shilikti sezinetin jastar eldegi tótenshe jaǵdaı kezinde de belsendilik kórsetýde. О́ńirde qurylǵan volonterler uıymdary karantınge jabylǵan úıler men blok-beketterde, aýrýhanalar men zerthanalar qyzmetkerlerine kómekke birinshi bolyp jetti. Kún saıyn ystyq tamaq jetkizýde. Volonter jastar birlesip az qamtamasyz etilgen, jalǵyzbasty, jetim balalar, karantın kezinde jumysynan aıyrylǵan tur­ǵyndarǵa azyq-túlik sebetterin úlestirgen.

– Qazir 21 mıllıon 691 myń teńgeniń azyq-túligin taratyp úlgerdik. Bul qaıyrymdylyq isine qarapaıym halyq pen kásipkerler kómekke keldi, – deıdi oblys ortalyǵyndaǵy «Volonterler» klýbynyń basshysy Ashat Qusdáýletov.

Al «Klýb dobrıakov»  –  «Meıirimdiler» klýbynyń músheleri «Meıirim sebeti» atty ýaqytsha qaıyrymdylyq sharasyn bastady. Bul shara tótenshe jaǵdaı saldarynan jumyssyz qalǵan, kóp balaly otbasylarǵa arnalǵan. Volonterler @club_dobryakov_pavlodar un, qaraqumyq, qant, shaı, makaron, kartop, sábiz, pııaz sııaqty qajetti jıyntyq daıyndap, 370 azyq-túlik sebeti úles­tirilgen.

Volonter Erjan Qunııazovtyń aı­týyn­sha, karantınge jabylǵan kóp­qabatty úılerdiń turǵyndaryna dá­riler, gıgıena zattary, betperdeler, qolǵaptar, dezınfeksııa zattary jet­kizilgen. Sonymen birge «Molkom-Pav­lodar» JShS-niń qoldaýymen karantınge jabylǵan 76 otbasyna túrli sút taǵamdaryn jetkizse, «Mır hleba» naýbaıhanasy bolsa, kún saıyn kómekke muqtaj, karantınge jabylǵan úılerdegi ár páterge tegin nan úlestirýde.

Aqtoǵaılyq kásipker Talǵat Ábdirah­manov jerlesterin qoldaý maqsatynda 500 myń teńge qarjylaı kómektesse, Small sýpermarketi de qajetinshe qoldaý kórsetýde. Tipti «Klýb dobrıakovtyń» meıirimdi volonterleri ortalyǵynyń 100 múshesi men tótenshe jaǵdaı kezinde óz erkimen bul topqa qosylǵan 200 jas qazir tynymsyz qyzmet kórsetip júr.

Klýb músheleri úsh jylda 300 túrli shara ótkizip, oblys mektepterimen birlesip, 16 tonna plastmassa qaq­paq jınap, aýyryp jatqan bala­lardyń emine járdemdesti. Al Vita atty volon­terlerdiń izdestirý toby joǵalǵan 13 adamnyń tabylyp, úıine oralýyna yqpal etse, 50 adam volonterlerdiń tarat­qan aqparatynan keıin úılerine oralǵan.

Oblys ortalyǵyndaǵy qala­lyq Qor­­ǵanys isteri jónindegi basqar­masy­nyń bastyǵy, podpolkovnık Ashat Qanyshbaevtyń málimetinshe, tótenshe jaǵdaı kezindegi shaqyrýǵa ún qosqan alǵashqy 33 volonter arnaıy áskerı jıyndarǵa jazyldy. Olar qoǵamdyq oryndardy dezınfeksııalaýmen, nysandardy kúzetýmen aınalysady.

Sonymen birge jergilikti pedago­gıkalyq ýnıversıtet rektory Altynbek Nýhulynyń bastamasymen  Volonter jyly aıasynda belsendi 30 stýdentke negizgi shákirtaqynyń 30 paıyzdyq kóleminde stıpendııa taǵaıyndaldy. Ýnıversıtette quramynda 60 stýdent bar «Lotos» volonterler uıymy bar. Barlyq volonterler qazvolunteer.kz portalynda tirkelgen. Oqý ornynda volonterler mektebin ashýdy, kitaptar jınap, olardy satý arqyly túsken qarjyny emdelip júrgen balalarǵa aýda­rý josparlanyp otyr.

Qala ákiminiń orynbasary Svetlana Gladyshevanyń aıtýynsha, Volonter jyly aıasynda bıyl aqpan aıynda №24 jalpy orta bilim berý mektebinde «Volonterler – týǵan eline» forýmy ótkizildi. Maqsaty – belsendi azamattyq ustanymdy tárbıeleý, oqýshylardyń kóshbasshylyq jáne adamgershilik-etıkalyq qasıetterin, patrıotızm sezim­derin qalyptastyrý, mektepte volonterler qozǵalysyn damytý.

Forýmda jas pedagogterdiń bas­tamasymen 30 volonterler klýby, 2 mektepte volonterler jasaǵynyń ashy­lý rásimi ótti. Olardyń jobalary «Sabaqtastyq», «Saýlyq», «Taza álem», «Asyl Mura», «Qamqor», «Bilim»  – aýyl mektepterindegi joǵary synyp oqýshylaryna UBT-ǵa daıyndyq, aǵyl­shyn tiline jáne kompıýterlik saýat­tylyqqa oqytý boıynsha kómek kórsetý, «Úmit» – maıdangerler erlikteri týraly qujattardy izdeý baǵytyna arnalýda.

Al  jalpy sońǵy jyldary qurylǵan Volonterler uıymynyń qatarynda úkimettik emes uıymdardyń burynnan beri jumys jasap kele jatqan «Áleý­mettik volonterlik ortalyǵy» da bar.  Ortalyq músheleriniń biri, maman­dyǵy psıholog Álisher Bekjannyń aıtýynsha, volonter retinde 2016 jyldan bastap oblys ortalyǵyndaǵy balalardy emdeıtin «Samal» ońaltý ortalyǵynda jumys istegen. EKSPO-2017 kórmesine baryp, volonterler qatarynda bolǵan eken.

– Qazir volonter bolý – ómirimniń ajyramas bir bóligine aınaldy. Adamǵa jaqsylyq jasaý, kómektesý paryz. Múm­kindigi shekteýli jandarǵa qolushyn berip, balalar úıiniń tárbıelenýshilerin as ázirleý, úı turmysyndaǵy negizgi daǵ­dylarǵa úıretemiz. Júıke júıesi aýyratyn jandarǵa arnalǵan «Alramı» klýb­tyq úıine baryp, shyǵarmashylyq terapııa, sýret salý arqyly kómek kór­setemiz. Múmkindigi shekteýli nemese aqyl-esinde aýytqýy bar adamdarmen ju­mys jasaımyz. Olar adamdardan tek qana meıirim, jan jylýyn kútedi, – deıdi Áli­sher.

Byltyr óńirdegi úzdik 30 volonter tobyna qosylǵan Álisher qazir volonterler qozǵalysyn áleýmettik jeliler arqyly nasıhattaýdy qolǵa alypty.

Pavlodar oblysy