Sońǵy kezderi Aqtóbe oblysynda ózderiniń kásibin ashý úshin aýyl turǵyndary tarapynan nesıe alý men rásimdeýge degen alýǵa qulshynys ósip otyrǵany baıqalady. Bul jóninde egemen.kz tilshisine «aýyl sharýashylyǵyn qoldaý qory» AQ Aqtóbe oblystyq fılıalynyń dırektory Gúljanat Erǵazına habarlady.
Onyń aıtýynsha bıylǵy jyly osy qarjy uıymy arqyly «Dıplommen aýylǵa» baǵdarlamasy boıynsha eńbek jolyn bastaǵan jas mamandarǵa bir mıllıard 200 mıllıon teńge nesıe berilmek. Sondaı-aq «Eńbek» baǵdarlamasy arqyly óz isin bastaýǵa bel býǵan aýyl turǵyndary da arzan nesıeniń ıgiligin kóre alady. Onyń jalpy qory 3 mıllıard teńge tóńireginde.
Taǵy bir atap óterlik másele «aýyl sharýashylyǵyn qoldaý qoryna» tótenshe jaǵdaı kezinde sharýalaryn júrgize almaǵandyqtan alǵan nesıesin tóleı almaǵan 166 azamattan aryz tússe, 150 azamattyń qaryzdary úsh aıǵa shegerildi. «Agrarlyq nesıe korporasııasy» AQ Aqtóbe oblystyq fılıalynyń dırektory Mırjan Bekmuhambetovtyń aıtýynsha qazirde «Qarapaıym zattar ekonomıkasy» baǵdarlamasy boıynsha arpa, bıdaı, kókónis ósirgisi keletin aýyl adamdary da nesıe rásimdeı alady. Munyń qaıtarý merzimi – 180 kún. Eń úlken nesıeleý somasy – 4 mıllıon teńge.
Osy jáne basqa baǵdarlamalary arqyly kóp balaly nemese az qamtylǵan otbasylar jyldyq tólem mólsheri 4 paıyz bolatyn nesıe rásimdep ol qarjyǵa kókónis ósirip mal ne tehnıka satyp ala alady.