Búgin qalalyq ákimdiktiń baspasóz ortalyǵynda Almaty qalalyq Áleýmettik ál-aýqat basqarmasy basshysynyń orynbasary Danııar Álkebaıuly men qalalyq Jumyspen qamtý ortalyǵynyń dırektory Dılıara Imanqulovanyń qatysýymen onlaın brıfıng ótti. Jıynda qazirge megapolıste 2290 adamnyń qoǵamdyq jumystarǵa qatysýǵa nıet bildirgeni málim boldy.
Karantın alynǵan sátten bastap qala turǵyndaryn jumyspen qamtamasyz etý máselesi ózekti bolmaq. Spıkerlerdiń aıtýynsha, Almatyda halyqty jumyspen qamtý jáne jappaı kásipkerlikti damytýdy kózdeıtin «Eńbek» arnaıy memlekettik baǵdarlamasy júzege asyrylýda. Bul baǵdarlama halyqtyń barlyq toptaryn jumysqa ornalastyrý paıyzyn arttyrýǵa baǵyttalǵan.
«Eń aldymen, áńgime turaqty jáne ýaqytsha jumys oryndaryna jumysqa ornalasý, sondaı-aq bıznes ıdeıalardy, mıkronesıelerdi qoldaý úshin memlekettik granttar bólý, kásiptik oqytý kýrstarynda oqytý týraly bolyp otyr», – dep atap ótti Dılıara Imanqulova.
Bul turǵyda Almatyda jumys oryndarynyń qajetti qory bar. Nur-Sultan men Almaty qalalary bos jumys oryndar sany boıynsha kósh bastap keledi. Búginde slesar, dánekerleýshi, temir-beton qurylymdaryn qurastyrýshy, elektrık, júrgizýshi, júk tıeýshi, aýla sypyrýshy, gazben dánekerleýshi sııaqty jumysshylar kásipteri asa suranysqa ıe. Sondaı-aq qyzmet kórsetý salasynyń qyzmetkerleri men medısına qyzmetkerlerine de qajettilik bar.
Jumyspen qamtý ortalyǵynyń dırektory Dılıara Imanqulovanyń aıtýynsha, «Eńbek» baǵdarlamasy aıasynda ýaqytsha jumys oryndarynda qyzmet etetin jumyssyzdardy qoldaý júzege asyrylyp otyr.
Almatyda qoǵamdyq jumystarǵa qatysýshylarǵa jalaqy tólenedi. Uıymdardyń tizbesin, jumys túrlerin, qatysýshylardyń sanyn jáne tólem mólsherin Áleýmettik ál-aýqat basqarmasy bekitedi. Basqarma basshysynyń buıryǵymen osy sanattaǵy qyzmetkerler úshin 85 myń teńge kóleminde jalaqy bekitildi. Búgingi tańda qalada osyndaı qyzmetkerler sany – 2290 adam. Josparly kórsetkishterdi túzetýge sáıkes Almatyda qosymsha 12 myń qyzmetkerdi qoǵamdyq jumysqa qabyldaý josparlanyp otyr.
«Biz jumys isteýge nıet bildirgenderdiń barlyǵyn jiberýge daıynbyz, – dedi spıker. – Bul tek kóshelerdi, saıabaqtardy, skverlerdi tazalaý ǵana emes, sonymen qatar qart adamdarǵa, múgedekterge kómek kórsetý sııaqty jumystar».
Jumyspen qamtylmaǵan turǵyndar men jumys berýshiler arasynda áleýmettik jumys oryndary basymdyqqa ıe. Jyl basynan beri áleýmettik jumys oryndarynda 695 adam jumys isteıdi.
Bul rette memleket eń tómengi jalaqyny (42 500 tg) sýbsıdııalaıdy. Al jumys berýshi óz tarapynan qosymsha aqy belgileıdi. Keıde onyń mólsheri 70-90 myń teńgeni quraıdy.
Memleket úkimettik emes uıymdarda jumys isteıtin múgedekterge erekshe qamqorlyq kórsetedi. Olar úshin ákimdik sheshimimen 63 750 teńge jalaqy belgilengen. Qazirgi ýaqytta áleýmettik jumys oryndarynda 695 adam jumys isteıdi, onyń ishinde 456-sy múgedekter.