Alash sarbazynyń aıbyny asqaq!

О́z basym Almaty oblysyna qaras­ty Alakól aýdanyndaǵy Úsharal qalasynda dúnıege keldim. Bala kezim­nen áskerı qyzmetti ańsap, mektep qabyrǵa­synan túlep ushqan sátte Reseı Fede­ra­sııasynyń Kostroma qala­synda ornalasqan RHB qorǵaý ýchılıshesine oqýǵa qabyl­danyp, ony oıdaǵydaı aıaqta­dym. Keıin Qazaq­stan Qarý­ly Kúshterindegi radıa­sııa­lyq, hımııalyq jáne bıologııa­lyq qorǵanys qyzmeti salasyn­da áskerı qyzmetimdi bastadym. Osy baǵytta vzvod komandırinen áskerı bólimniń shtab bastyǵy laýazymyna deıin joǵaryladym. Odan soń Nur-Sultan qalasynda ornalasqan Qazaqstannyń Tuń­ǵysh Prezıdenti – Elbasy atyn­daǵy Ulttyq qorǵanys ýnıver­sı­tetinde akademııalyq bilim aldym. Búginde Qurlyq ásker­lerine qarasty «Batys» óńirlik qol­basshy­lyǵynda radıasııalyq, hı­mııalyq jáne bıologııalyq qorǵaý bóliminiń basshysymyn.

Osy kúnderi elimizdegi tóten­she jaǵdaı­larǵa baılanysty Aqtóbe, Atyraý jáne Aqtaý qala­­­larynda júr­gizilip jatqan dezın­feksııalyq jumys­tarǵa je­tek­­shilik jasap júrmin. Qol as­tym­­daǵy mamandar dezın­fek­sııa­­lyq qospalardy ázirlep, qaýip­ti vırýs­p­en kúresti jalǵas­ty­rý­damyz.

Joǵarǵy Bas qolbasshymyz, Qazaqstan Respýblıkasynyń Prezıdenti Qasym-Jomart Toqaev Qarýly Kúshterdiń damýyn jiti baqylaýynda ustap, árdaıym qoldaý kórsetip otyrady. Onyń salıqaly áske­r­ı saıasatynyń nátıjesinde kóp­tegen áskerı reforma júzege asýda. Má­selen, bıyl sáýir aıynda Qarý­ly Kúshterdiń Bas shtabynda radıa­sııa­lyq, hımııalyq, bıologııalyq qor­ǵaý jáne eko­logııalyq qaýipsizdik ásker­leri departamenti quryldy. Atal­ǵan departament zamanaýı talap­tarǵa saı úzdik qarý-jaraqpen, aldyń­ǵy qatarly quraldarmen qamtamasyz etilýde. Sondaı-aq dalalyq oqý-jatty­ǵýlar men biliktilikti joǵarylatý kýrstary da udaıy uıymdastyrylyp keledi.

Qazaqstandyqtardy Otan qorǵaý­shylar kúni merekesimen quttyqtap, elimiz aman, jerimiz tynysh bolsyn dep tileımin!

Almas NESIPQALIEV,

maıor, «Batys» óńirlik qolbasshylyǵy radıasııalyq, hımııalyq, bıologııalyq qorǵaý áskeriniń basshysy