Almaty ákimi Otan qorǵaýshylar kúnimen quttyqtady. Almaty ákimi Baqytjan Saǵyntaev óziniń quttyqtaýyn Twitter paraqshasynda jarııalady.
Táýelsizdik alǵan sátten bastap elimiz árdaıym Qazaqstandaǵy qaýipsizdikti qamtamasyz etýge, qarýly qaqtyǵystardyń aldyn alýǵa jáne Qarýly Kúshterdi damytýǵa erekshe nazar aýdaryp keledi.
«Otan qorǵaýshylar kúnimen quttyqtaımyn! Beıbitshilik pen qaýipsizdik kúzetinde turǵan barlyq otandasyma zor densaýlyq, tabys jáne kúsh-qaırat tileımin! Otanǵa qyzmet etý – abyroıly is ári úlken jaýapkershilik. Sáttilik serik bolsyn!», - dep jazdy B.Saǵyntaev.
Eske sala keteıik, 1992 jyldyń 7 mamyrynda Tuńǵysh Prezıdent N. Nazarbaev Qazaqstan Respýblıkasynyń Qarýly Kúshterin qurý týraly Jarlyqqa qol qoıdy.