Basqasy basqa, tórt balasy bar áıel mas kúıde jol apatyn jasap, barmaǵyn tistep otyr. О́ıtkeni, ol endi 555 600 teńge aıyppul tóleıtin boldy.
– Atyraý qalasynyń mamandandyrylǵan ákimshilik sotynda QR Ákimshilik quqyq buzýyshylyq týraly Kodekstiń 608-babynyń 8-bóligi jáne 476-babynyń 6-tarmaǵymen jol apatyn jasaǵan azamatshaǵa qatysty ákimshilik is qaraldy. Sotta anyqtalǵandaı, quqyq buzýshynyń kólik quralyn basqarý quqyǵy bolmaǵan. Biraq, ol 3 mamyrda saǵat 18:50 shamasynda alkogoldik masań kúıde «MERCEDES BENZ 124» markaly avtokóligin basqaryp kele jatyp, Atyraý qalasyndaǵy Mamekuly kóshesi boıynda «MITSUBISHI OUTLANDER 2.4» markaly kóligimen soqtyǵysqan. Sonymen qatar, azamatsha tótenshe jaǵdaıdyń jarııalanýyna baılanysty turǵylyqty mekenjaıdan shyǵýǵa tyıym salynǵan shekteýdi buzǵan, -dep habarlady oblystyq sottyń baspaszó qyzmeti.
Jol apatyn jasaǵan áıelge qatysty sot otyrysy onlaın rejımde ótti. Sotta quqyq buzýshy óz kinásin moıyndaǵanmen, kámeletke tolmaǵan tórt balasy baryn alǵa tartypty. Biraq, kóligi búlingen jábirlenýshige zalaldy ótemegeni anyqtalyp otyr.
Sot qaýlysymen quqyq buzǵan azamatsha kináli dep tanyldy. Sóıtip, oǵan QR Ákimshilik quqyq buzýyshylyq týraly Kodekstiń 608-babynyń 8-bóligimen 555 600 teńge ákimshilik aıyppul salyndy. Sonymen birge, atalǵan kodekstiń 476-babynyń 6-tarmaǵymen eskertý túrindegi jaza qoldanyldy.
Mundaı jazadan alkogoldik ishimdikke áýes áıel sabaq ala ma?..