Maqtaaral aýdanynyń sý basqan Nurlyjol, Yrysty, Jańaturmys, Fırdoýsı, О́rgebas jáne Jantaqsaı aýyldarynan 1 mln tekshemetr sý soryldy. Sondaı-aq aýyldarda jalpy uzyndyǵy 21 shaqyrymdyq ýaqytsha dambylar turǵyzyldy. Sýdy aǵyzý úshin 3 kollektor ornatylǵan.
Tótenshe jaǵdaı komıtetiniń baspasóz qyzmeti habarlaǵandaı, Túrkistan, Jambyl, Qyzylorda oblystary, Shymkent qalasy, Apattar medısına ortalyǵy, Polısııa bólimi, Ulttyq gvardııa, Qorǵanys mınıstrligi, jergilikti atqarýshy organdar, О́zbekstan Respýblıkasy Tótenshe jaǵdaılar mınıstrliginiń kúshteri men aktıvterinen quralǵan 1574 adam, 280 tehnıka, 15 júzý quraldary, 160 motosorǵysh táýlik boıy jumysyn jalǵastyrýda. Jumystarǵa uıymdar men eriktiler de tartylǵan.
Sý basqan 5 eldi meken aýmaǵynda halyqtyń jeke zattaryn, qujattary men múlkin evakýasııalaý, úı janýarlaryn qutqarý jáne patrýldeý jumystary jalǵasýda.