Búgin, 8 mamyrda Qaraǵandy oblysynda COVID-19 indetinen saýyqqan segiz pasıent aýrýhanadan shyǵaryldy, dep habarlady oblys ákiminiń baspasóz qyzmeti.
Úı karantınine shyǵarylǵandardyń altaýy Temirtaý qalasynyń turǵyndary. Olardyń arasynda 1963, 1973 jáne 1974 jyldary týǵan úsh áıel jáne 11 jastaǵy qyz bala men jasy 10-ǵa kelgen er bala bar. Sondaı-aq, 1984 jylǵy er adam da jazylyp shyqqandardyń qatarynan oryn aldy.
Pasıentter tolyq emdeý kýrsynan ótken soń jáne eki márte PTR-taldaý teris nátıje kórsetkennen keıin eki aıǵa sozylatyn úı karantınine shyǵaryldy.
Búginge deıingi málimetterge saı, Qaraǵandy oblysynda koronavırýs ınfeksııasynan aıyǵyp shyqqandardyń jalpy sany 91 adamǵa jetti.