Túrkistan oblysynyń ákimdigi men О́zbekstan Respýblıkasy qurylys mınıstrligi ekijaqty ózara yntymaqtastyq týraly memorandýmǵa qol qoıdy.
Ortaq memorandým Qazaqstan men О́zbekstan arasynda bıznestiń básekege qabilettiligin arttyrýdyń mańyzdy mehanızmine aınalmaq. Osylaısha, eki tarap tyǵyz kommersııalyq baılanystardy damytýǵa, ekijaqty ınvestısııalar men tehnologııalardy berý kólemin ulǵaıtýǵa alǵyshart jasady. «Túrkistandy biz tek Qazaqstannyń emes, túrki áleminiń mádenı ortalyǵy etý úshin 3 baǵytta damytýdamyz. Rýhanı-mádenı ortalyq - bizdiń tarıhymyz ben salt-dástúrimizden syr shertetin aýmaq bolady. Munda týrıstik oryndar, etnoaýyl, botanıkalyq baq, kitaphana, teatrlar salynsa, ákimshilik-iskerlik ortalyqta biz otyrǵan oblys ákimdigi alǵashqy nysan retinde paıdalanýǵa berildi. Odan bólek basqarmalar, kongress-holldar salynady. Jalpy, árbir ınvestısııalyq jobany qoldaýǵa daıynbyz. Osyǵan sizderdi de úles qosýǵa shaqyramyn», dedi Túrkistan oblysynyń ákimi О́mirzaq Shókeev kezdesý barysynda.
Kórshi eldiń qurylys mınıstrligi Túrkistan oblysyna ınvestısııa salý múmkindigin qarastyrýǵa nıetti. Ákimdik óz quzireti sheginde bastamalaryn qoldaý jáne ony iske asyrý úshin qolaıly jaǵdaılar jasaýdy kózdeıdi. Týrkistan oblysy ákiminiń orynbasary M.Myrzalıev pen О́zbekstan Respýblıkasy qurylys mınıstrligi atynan mınıstrdiń birinshi orynbasary Sh. Hıdaıatov qol qoıǵan memorandým óńirdi damytýǵa úles qosady dep kútilýde.