Maqtaaral aýdanyndaǵy tasqyn sý saldarynan qıyn jaǵdaıda qalǵan aýyl azamattaryna kómektesý jáne tótenshe jaǵdaıdan kelgen zardaptardy joıý jumystaryna jalpy 500-deı erikti atsalysýda. Onyń 150-ge jýyǵy turaqty túrde kómek kórsetip keledi.
Jambyl aýyldyq okrýgindegi №36 jalpy orta mektebine jaıǵastyrylǵan eriktilerdiń jumys isteýine qolaıly jaǵdaı jasalǵan. Qazirgi tańda volonterlar oblystyq tótenshe jaǵdaı shtaby tarapynan uıymdastyrylǵan barlyq jumystarǵa atsalysýda.
«Eriktiler tasqyn sýda qalǵan aýyl azamattaryn evakýasııalyq beketterge ornalastyrý, gýmanıtarlyq kómekke kelgen taýardy tasymaldaý, muqtaj azamattarǵa úlestirý sııaqty sharýalardy atqarýda», deıdi «Jastar resýrstyq ortalyǵy» KMM dırektory Amalbek О́mirtaı.
Volonterlyq jumystarǵa «Jas Otan» jastar qanatynyń músheleri de belsene qatysýda. Olar evakýasııalyq beketterde kúshtik qurylymdardyń sharýasyna da kómektesip júr. «Jas Otan» jastar qanatynyń tóraǵasy Janserik Jumannyń aıtýynsha, alǵashqy kúnderde 12 shaqyrym qorǵanys bógetterin turǵyzýǵa atsalysqan jastar mádenıet, qoǵam qaıratkerlerimen birigip, turǵyndardy sabyrlyqqa shaqyrý jumystaryna da belsene aralasýda. Budan bólek, Shymkent, Nur-Sultan, Almaty qalalarynyń jastary men volonterlyq uıymdardan, respýblıkalyq "Jas Otan" jastar qanatynan gýmanıtarlyq kómekter kelýde. Búgingi tańda eriktilerdiń kúshimen 10 myńnan astam medısınalyq betperde men antıseptıkalyq quraldar taratylǵan.
Túrkistan oblysy