Nazarbaev Ýnıversıtetinde jasandy ıntellektiniń ozyq ázirlemeleri úshin eń jyldam esepteý stansasy ornatyldy. Jumys stansasyna kiretin NVIDIA DGX-2 eki serveri tereń zertteý (aǵylsh. deep learning) salasyndaǵy zertteýlerdi jedeldetý úshin grafıkalyq prosessorlarda jalpy maqsattaǵy esepteýlerge mamandanǵan.
«Nazarbaev Ýnıversıtetiniń Aqyldy júıeler jáne jasandy ıntellekt ınstıtýtynyń (ISSAI) zertteý toby Qazaqstanda alǵashqylardyń biri bolyp DGX júıesin engizdi jáne osy júıelerdi paıdalanýda eleýli tájirıbe jınaqtady. ISSAI-dyń esepteý áleýeti Nazarbaev Ýnıversıtet oqytýshylary men basqa da qazaqstandyq ýnıversıtetterdiń qyzmetkerlerine jasandy ıntellekt salasyndaǵy óz zertteýlerin iske asyrýǵa múmkindik beredi», deıdi Instıtýt dırektory professor Atakan Varol.
Sarapshylardyń pikirinshe, NVIDIA DGX júıeleri NVIDIA Volta grafıkalyq prosessorlarynyń revolıýsııalyq sáýleti negizinde qurylǵan. Grafıkalyq prosessorlar úshin ınnovasııalyq baǵdarlamalyq qamtamasyz etý jáne ońaılatylǵan basqarý arqyly NVIDIA DGX joǵary ónimdilik pen jyldamdyqty qamtamasyz etedi. О́ıtkeni jasandy ıntellekti salasyndaǵy jumys úlken derekterdi óńdeýdi bildiredi, jyldamdyq mańyzdy ról atqarady. Ádettegi serverlerde grafıkalyq prosessor, jedel jady men qatqyl dısk arasyndaǵy qatynaý jyldamdyǵy óte az, osynyń saldarynan (derekter, beıne, keskinder, mátin jáne t.b.) uzaq óńdeledi. Al jańa júıe NVLINK jáne NVSWITCH tehnologııalaryn qoldanady, olar grafıkalyq prosessorlar arasyndaǵy ózara baılanysty edáýir jedeldetedi jáne tıisinshe úlken derektermen jumys isteý prosesin jedeldetedi.
Buǵan qosa, NVIDIA DGX-2 júıeleri ǵalymdarǵa kez kelgen platformada ústeldik júıeden bastap derekterdi óńdeý ortalyǵyna jáne bultty júıelerge deıin jasandy ıntellekti jobalaryn ázirleýge arnalǵan eń qýatty quraldar men baǵdarlamalar usynady. Árbir zertteýshi zertteýler úshin ózine kerekti tehnıkalyq baǵdarlamalar men quraldarǵa (mysaly, pytorch, tensorflow jáne t.b. sııaqty baǵdarlamalarǵa) qol jetkize alady. Osylaısha aýqymdy derekterdi óńdeý boıynsha eń tańdaýly sheshimder tabýǵa múmkindik beredi.
Jasandy ıntellekti algorıtmderi barǵan saıyn kúrdelene túsýde jáne esepteý qýatynyń teńdessiz deńgeıin talap etedi. NVIDIA DGX-2 ózinde jasandy ıntellekt modelderiniń jańa tıpterin jedeldetý úshin álemdegi eń tehnıkalyq ilgeriletilgen 16 GPU qýatyn biriktiredi jáne jasandy ıntellekti algorıtmderin masshtabtaýdy ońtaılandyrady, osylaısha esepteý qýatynyń deńgeıin jáne derekterdi óńdeý tıimdiligin arttyrady.
Mysaly, Nvidia DGX-2 Nazarbaev Ýnıversıtetinde ISSAI jobalaryn taldaý úshin qazirdiń ózinde tabysty paıdalanylýda. Bul jobalar adamdardy ádettegi jáne termaldy túsirilimderde tanýdy, adamdy daýsy boıynsha sáıkestendirýdi, WiFi sıgnaldardyń kómegimen úı-jaılardyń ishinde oqshaýlaýdy, keýde qýysynyń rentgendik sýretterin taldaýdy, MRT-beınelerde bas mıynyń isikterin avtomatty segmentteýdi, qalalyq baqylaý kameralaryn ońtaıly ornalastyrýdy qamtıdy.
Osy jobalardyń árqaısysynda beıneleý, beıne jáne aýdıo jazbalar sııaqty derekterdiń orasan zor sany paıdalanylady. DGX sııaqty joǵary esepteý júıesinsiz osy derekterdi óńdeý jáne tereńdete oqytý modelderin jattyqtyrý áldeqaıda qıyndaıdy jáne jyldamdyǵy baıaýlaıdy.