Almaty qalasynyń Halyqqa qyzmet kórsetý ortalyqtary karantın bitken soń óz jumysyn jańasha bastaıtyndyǵyn buǵan deıin de habarlaǵan edik.
Vırýstyń taralý qaýpiniń saqtalýyna baılanysty halyqqa qyzmet kórsetý ortalyqtarynyń jumys tártibin ózgertý týraly sheshim qabyldanǵan bolatyn.
О́zgerister HQO-da kórsetiletin memlekettik qyzmet túrlerine ǵana emes, olardy usyný formatyna da qatysty bolady. Olar:
Almatylyqtar HQO-ǵa elektrondy formatta qoljetimsiz, tek «qaǵaz» júzinde kórsetiletin qyzmetter (mysaly, jeke kýálikti, tólqujatty aýystyrý, zeınetaqy tólemderin taǵaıyndaý), men egov.kz arqyly rásimdelgen ótinishterdiń nátıjesin alý úshin ǵana kele alady.
Ekinshiden, endi HQO-ǵa barý úshin 1414 baılanys ortalyǵy nemese nemese egov.kz saıtyndaǵy arnaıy servıs arqyly kezek ýaqytyn aldyna ala brondaý qajet bolady.
Azamattar elektrondy formatqa aýdarylǵan jáne egov.kz portalynda qoljetimdi barlyq memlekettik qyzmettiń 80%-dan astamyn burynǵydaı HQO ǵımarattarynda emes, tek ózdiginen nemese ákimdikter janyndaǵy keńselerde, oqý oryndarynda, medısınalyq uıymdarda jáne t.b. jerde ornalastyrylatyn ózine-ózi qyzmet kórsetý sektorlarynda ala alady.
Sonymen qatar burynǵydaı ESQ-lar HQO-da berilmeıdi, tek eGov.kz portaly arqyly alynady.
Memlekettik qyzmet kórsetýdiń jańa formatyna kóshý boıynsha qandaı daıyndyq jumystary júrgizildi:
Birqatar front-ofıster jańa formatqa laıyqtalyp qaıta jańartyldy. Olarda koll-ortalyq jáne beıneqońyraýlar qabyldaý ortalyqtary ornalastyrylyp, qaıta jabdyqtaldy. Olar: Alataý aýdanynyń №1 bólimi (Nurkent sh/a.5/17) Áýezov aýdany (Jandosov kóshesi, 51), Bostandyq aýdany (Almagúl sh/a, Hojanov kóshesi, 9), Naýryzbaı aýdany (Shuǵyla sh/a. 222/5) Medeý aýdany (Markov k-si, 44), Túrksib aýdany (Rıhard Zorge k-si, 9-úı) jáne № 1 Mamandandyrylǵan HQKO (Saıaly sh/a., Aqqaınar kóshesi, 1)
Barlyǵy 169 jumys orny uıymdastyryldy, 50 koll ortalyq, 119 beıneqońyraý qabyldaý operatorlary jumys isteıdi.
Elektrondyq memlekettik qyzmetterdi úıden shyqpaı alý múmkindigi joq azamattar úshin 48 jumys ornyna operatorsyz 2 sıfrlyq HQKO uıymdastyryldy. Onda kórsetiletin qyzmetti alýshylarǵa portalǵa tegin negizde kirý múmkindigimen uıymdastyrý tehnıkasy (jeke kompıýterlermen, veb-kameralarmen jáne qosalqy quraldarmen jabdyqtalǵan) usynylatyn bolady.
Olar – Almaly aýdanynyń №1 front-ofısi (Súıinbaı dańǵyly 2, 4 korpýs) jáne Alataý aýdanynyń №2 front-ofısi. (Áıgerim sh/a., V. Benberın kóshesi, 89).
Bólimder qajetti orgtehnıkalarmen, derbes kompıýterlermen, veb-kameralarmen, sıp-telefondarmen jáne jumysty uıymdastyrý úshin qajetti qural-saımandarmen jabdyqtaldy.
Bólimderde jınalýdy jáne tazalyq-epıdemıologııalyq rejımdi saqtaý maqsatynda qyzmet alýshylar arasyndaǵy qashyqtyqty saqtaý úshin ǵımarat kireberisine tańbalar syzyp qoıyldy.
HQO-dan tys jerlerde ózine ózi qyzmet kórsetý sektorlarlary uıymdastyrylýda. Olar ákimdikter janyndaǵy keńselerde, oqý oryndarynda, ekinshi deńgeıdegi bankterde, Jumyspen qamtý jáne áleýmettik baǵdarlamalar, «Nur Otan» partııasy keńselerinde, 8 saýda ortalyqtarynda, avtosalondarda, medısınalyq uıymdarda, jáne «Car city», «Nur-Sát» sııaqty bazarlarda.
HQO-larda jeńildik terezeleri jumys isteıdi. Onda azamattardyń úsh sanaty elektrondy qyzmet ala alady. Bul – zeınetkerler, kóp balaly otbasylar, múmkindigi shekteýli adamdar. Olar da HQO-ǵa kelmes buryn kezegin aldyn ala brondaý qajet, alaıda olar jeke kezek boıynsha ótedi.
Al elektrondy formatta qol jetimdi emes «qaǵaz» qyzmetterdiń klıentteri úshin (mysaly, jeke kýálikti, pasportty aýystyrý, zeınetaqy tólemderin taǵaıyndaý), sondaı-aq egov.kz portalynda aldyn ala resimdelgen qyzmetterdiń nátıjelerin alý úshin, qaladaǵy barlyq HQO-larǵa jáne barlyq Mamandandyrylǵan AvtoHQO-larǵa, mindetti túrde aldyn-ala onlaın bron jasap, kezekti belgilegen ýaqytqa kelý kerek.
«Qala turǵyndaryna aıtarymyz, memlekettik qyzmetterdi elektrondyq formatta alyńyzdar. Portalda rásimdeýge bolatyn barlyq qyzmetti onlaın tásilmen rásimdeńiz. Eger qıyndyq týyp jatsa, 1414 nómirine telefon shalýǵa bolady. Bizdiń HQO operatorlary keńes berip kómektesedi. Sonymen qatar, azamattar bronda belgilengen ýaqytta kelýi tıis. Eger belgilengen ýaqyty ótip ketken bolsa, qaıtadan bron jasaýyna týra keledi. Sonymen qatar, brondy JSN-y resimdelgen azamat ǵana paıdalana alatynyn eskergenderi jón. HQO-da qyzmet aldyn ala brondaýsyz kórsetilmeıtinin taǵy da atap ótkim keledi. Bul azamattardyń HQO-da kóptep jınalýyn boldyrmaıdy jáne vırýsty juqtyrý qaýpin joıady, qyzmet alýshylar da óz ýaqytyn únemdeıdi» – deıdi «Azamattarǵa arnalǵan úkimet» MK KEAQ Almaty qalasy fılıalynyń dırektory Danııar Qyryqbaev.