Túrkistan qalasynda birqatar ǵımarat qurylysy aıaqtalýǵa jaqyn. Elimizdegi tótenshe jaǵdaı rejımi toqtatylǵanymen karantın talaptary saqtalady. Iаǵnı saqtyq sharalary, ásirese, qurylys salasynda jalǵasady.
Oblys ákimi О́mirzaq Shókeev Túrkistandy jańǵyrtý aıasyndaǵy jumystar barysy jaıly esep alǵan lezdemelik májilis otyrysynda qala ákimi Rashıd Aıýpov oqýshylar saraıy, 7 myń oryndyq stadıon, Ulttyq qolónershiler ortalyǵy, amfıteatr, Kerýen saraı, attraksıondar saıabaǵy, basseıni bar sport kesheni, kelý ortalyǵy, basqarmalar men departamentter úıiniń ǵımarattaryndaǵy qurylystyń basym bóligi aıaqtalǵanyn jetkizdi. Búginde olardyń aınalasyn jasyl jelekke bólep, abattandyrý jumystary qyzý júrip jatyr.
Qurylys jumystary Maqtaaral aýdanynda da qarqyn ala túspek. Jańadan salynatyn shaǵyn aýdanda táýlik boıy qurylys jumystary júrýde. Qurylys alańyna tartylǵan 600-ge jýyq jumysshynyń jartysynan astamy Jetisaı men Maqtaaral aýdanynyń turǵyndary. Sondaı-aq aptalyq lezdemede sý alǵan úılerdiń, mal basy men egistik alqaptarynyń qujattary jınaqtalyp, saraptama jumystary júrgizilip jatqany aıtyldy.