Qaraǵandy oblystyq tótenshe jaǵdaılar departamentiniń qutqarýshy toby Maqtaaral aýdanyndaǵy apattyq-qutqarý jumystaryn qarqyndy júrgizýde. Bul týraly vedomstvonyń baspasóz qyzmeti habarlady.
Qaraǵandylyq qutqarýshylar atalǵan aýdannyń Fırdoýsı jáne Jeńis aýyldarynda sýdy sorý arqyly aǵyzý jáne baǵytyn basqa jaqqa burý jumystarymen aınalysýda. Olar tórt kúnniń ishinde 15 úıdiń mańyndaǵy aýmaqtan 110 myń tekshe metrden astam sýdy soryp, topyraqty qurǵatqan.
Qutqarýshylar táýlik boıy eki aýysymmen jumys isteýde.
Eske salar bolsaq, Qaraǵandyda jasaqtalǵan qutqarýshy top 9 mamyrǵa qaraǵan túni avarııalyq-qutqarý jáne kezek kúttirmeıtin jumystardy júrgizýge kómek kórsetý úshin Túrkistan oblysyna jetken bolatyn. Olar sol kúni tańerteń Maqtaaral aýdanynyń Fırdoýsı aýylynda sý aǵyzý jumystaryna birden kirisip ketken eken.