Memleket basshysy Qasym-Jomart Toqaev Tótenshe jaǵdaı rejımin qamtamasyz etý jónindegi memlekettik komıssııanyń qorytyndy otyrysynda bilim salasyndaǵy tosyn ózgeriske tezirek beıimdelip, tıimdi ádis-tásilderge ıkemdelý kerektigin aıtty.
Álbette, buryn otandyq bilim berý salasynyń tájirıbesinde bolmaǵan jańa formatqa kóshý kimge de bolsyn ońaıǵa soqqan joq. Dese de bizdiń kolledj qashyqtan oqýǵa birazdan beri bet burǵan bolatyn. Kolledj basshysy Baqytjan Saılybaevtyń budan biraz ýaqyt buryn oqý ornynyń barlyq qujat aınalymyn sıfrlandyrýǵa túbegeıli kóshirgeni kóp kómek boldy. Sonyń nátıjesinde bul jaǵdaıda biz asa qınalmadyq. Oqýlyqtar men leksııalar qoryn jasaqtap, júıege engizdik. Sondyqtan da materıaldyń negizi daıyn boldy.
Budan bólek Q.Toqaev zamanaýı qashyqtan oqytý tehnologııalaryn jyldamdatyp engizýdi, bilim berý baǵdarlamalarynyń mazmunyn qaıta qarap, olardy qoljetimdi jáne ınteraktıvti etýdi tapsyrdy. Bul rette kolledjimizdiń arnaıy elektrondy júıesi biraz jyldan beri jumys istep kele jatqanyn aıta ketý kerek. E-college júıesi bizge ár stýdenttiń jumysyn jiti baqylaýǵa kómektesedi. Sonymen qatar stýdentterge beriletin praktıkalyq, teorııalyq tapsyrmalardy jáne ózimiz túsirgen vıdeo leksııalardy osy júıege júkteımiz. Kýrstyq jumystardy zoom platformasy arqyly qabyldap otyrmyz. Al ınterneti nashar shalǵaı eldimekenderdegi stýdentterge kýrstyq jumystaryn WhatsAPP jelisi arqyly da qorǵaýǵa múmkindik berip jatyrmyz.
Shyndyǵynda qashyqtan oqytý – zaman talaby, oǵan ilesýimiz kerek. Jastar jaǵy jańalyqqa beıim keledi ǵoı, stýdentterimiz jańa formattyń ózderine óte yńǵaıly ekenin aıtady. Sebebi ótetin taqyrypty aldyn ala kóre alady, materıaldar kóz aldynda tur. Budan bilim alýshylardyń yntasy, izdenis artty, úlgerim kórsetkishteri tómendemedi. Iаǵnı, stýdentterdiń sapaly bilim alýy úshin barlyq jaǵdaıdy jasap otyrmyz.
Uljan ESMAHANOVA,
M.Mámetova atyndaǵy Qyzylorda pedagogıkalyq joǵary kolledjiniń oqytýshysy