Bul týraly Ulttyq testileý ortalyǵynyń dırektory Dıdar Smaǵulov habarlady. Jyl saıyn UBT-ǵa mektep bitirýshilerdiń 70 paıyzy ótinish beretin. Bıyl bul kórsetkish 82 paıyzǵa jetti. Maýsym aıynda ótetin negizi UBT-ǵa 10 mamyrǵa deıin onlaın rejimde 131 myń talapker ótinim bergen.
– Aqyrynda jyl saıynǵy 70% máreden ótip, ótinishterdiń jalpy sany 131 myń (+15 000) jetti.
Qalaı aıtsaq ta, onlaın format kóptegen artyqshylyqtardy beredi jáne eń bastysy: tańdaý múmkindigi! Oqýshynyń tańdaýyna eshkim áser etpeı, UBT tapsyrýǵa kedergi bola almady.
Oqýshylardyń ata-analaryna shydamdylyq tanytqany úshin shyn nıetimmen alǵys aıtqym keledi, óıtkeni onlaın tirkelý alǵash ret bolyp, (18 jasqa tolmaǵan balalary bar) ata-analarǵa da tirkelýge týra keldi.
UTO qyzmetkerlerin, klass jetekshilerin, mektepterdiń oqý jóninen meńgerýshilerin, JOO men kolledjderdiń jaýapty hatshylaryn atap ótpeske bolmaıdy. Esh aıanbastan árbir oqýshy úshin jany ashyp, kómektesken bolatyn: óıtkeni bul olar úshin de, laıyqty túrde eńserilgen, alǵashqy onlaın format edi, – dedi D.Smaǵulov.