«Oblystyq ftızıopýlmonologııa ortalyǵynda» COVID-19 ınfeksııasyn erte anyqtaý maqsatynda vırýsologııalyq zerthana ashyldy. Zerthana sońǵy úlgidegi apparattarmen jabdyqtalǵan.
Germanııada óndirilgen Xpert, BAK-TEK, BIONER, Haın-test apparattarynyń múmkindikterin paıdalana otyryp koronavırýs indetin anyqtaýǵa bolady. Zerthanaǵa óńirdegi aýrýhanalardan alynǵan synamalar joldanady. Sonymen qatar aýrýhanaǵa túsken naýqastar da birden koronavırýs ınfeksııasyna tekserýden ótkizilýde. Zerthana mamandary bul ádisti jaqsy meńgerip, halyqqa kórsetiletinmedısınalyq qyzmet sapasyn arttyrýǵa óz úlesterin qosýda.
Týberkýlez aýrýyna shaldyqqan naýqastar emdeletin bul aýrýhanada aldaǵy ýaqytta sondaı-aq 16 tósek orynǵa arnalǵan pýlmonologııalyq bólimshe ashý josparlanýda. Aıta keterlegi, emdeý memesinde «Dezınfeksııalaý ótkeli» ornatylǵan jáne kúndelikti naýqastar men barlyq qyzmetkerlerdiń dene qyzýy tekserilip otyrady. Dárigerler tipti onlaın rejımde de dıagnostıkalyq keńes berýdi qolǵa alǵan.
Bul Túrkistan oblysynda ashylǵan úshinshi vırýsologııalyq zerthana bolyp otyr. Zerthanalar qaýipti indet vırýsyn anyqtaýǵa qajetti medısınalyq maqsattaǵy buıymdar, qyzmetkerlerdiń jeke qorǵanysh kıimderi jáne zalalsyzdandyrý maqsatynda qoldanylatyn antıseptıktermen tolyq qamtamasyz etilgen.