Almaty qalalyq qarjy monıtorıng komıtetiniń baspasóz qyzmeti shaharda taǵy da bir astyrtyn oıynhana anyqtalǵanyn habarlady. Jedel is-shara barysynda «Nurly Taý» turǵyn úı keshenindegi páterlerdiń birinde ornalasqan oıynhananyń jumysy toqtatylǵan.
Tekseris kezinde páterde oıynshylar men qyzmet kórsetýshi jumysshylar bolǵan. Tintý barysynda qumar oıynǵa arnalǵan poker oıynynyń keısi, oıyn kartalary, fıshkalar jáne aqshalaı qarajat tárkilengen.
«Qazirgi tańda atalǵan fakt boıynsha QR Qylmystyq kodeksiniń 307-babyna sáıkes sotqa deıingi tergeý amaldary júrgizilýde. Sol kúni oıynhanada bolǵan azamattardy qalalyq polısııa tótenshe jaǵdaı erejelerin buzǵany úshin Ákimshilik kodekstiń 476-baby boıynsha jaýapkershilikke tartty» delingen habarlamada.