Kezeń-kezeńimen es jınap kele jatqan Almaty ekonomıkasynda nendeı ózgeris bar? Qalypty ómirge qadam basýda «qymbatshylyq qyspaqqa almaı ma?» degen zańdy suraq turǵyndardy kópten mazalap júrgen máseleniń biri. Áleýmettik jeli qoldanýshylary megapolıste azyq-túlik taýarlarynyń baǵasy kúrt qymbattap ketkenin jarysa jazyp jatyr.
Máselen qatardaǵy sulýlyq salondarynyń ıeleri shash qııý qyzmetin áıelderge - 4700, erlerge - 2800 teńgege deıin kóterip tastaǵan.
«Taýarlardyń jekelegen túrlerine, sondaı-aq qyzmetterge, onyń ishinde salondarda qyzmet kórsetý baǵalarynyń qymbattaýy - bul kásipkerlerge baılanysty. Iаǵnı, naryqtyq qatynas. Sondyqtan kásipker óz baǵasyn belgileýge quqyly. Úkimet baǵany kótermeýge keńes berýi múmkin. Memleket áleýmettik mańyzy bar taýarlardyń baǵalaryn retteıdi. Eki aı boıy kásipkerler jumys istemedi. Sondyqtan olar búgin joǵaltqan paıdasyn óteýge tyrysýda», - deıdi «Adal» tutynýshylar quqyǵyn qorǵaý qoǵamdyq birlestiginiń prezıdenti Artyq Seıtqalıeva.
Baǵanyń qymbattaý sebebi san alýan. Qansha jerden kásipkerlerdi de túsinýimiz kerek desek te, qarapaıym halyqtyń da qaltasynyń qalyń emes ekenin umtpaǵanymyz jón sekildi. Baǵany qadaǵalaý salǵyrt qaraıtyn másele emes.
ALMATY