Karantın kezinde talap pen tártipke qaıshy is-áreketter oryn almaı jatqan joq. Qalaǵa jasyryn jolmen alyp kirý, basqa da Tótenshe jaǵdaı talaptaryna saı kelmeıtin áreketter kóptep kezdesti. Almaty qalasynyń kireberis qaqpasyndaǵy blok-beketterdiń birinen ótkizý úshin para alǵan polısııa qyzmetkeri temir torǵa toǵytyldy.
Bul týraly Sybaılas jemqorlyqqa qarsy is-qımyl agenttiginiń ókili, aǵa tergeýshi Danııar Bekaıdarov baspasóz máslıhaty barysynda aıtyp berdi
– Aǵymdaǵy jyldyń 5 mamyrynda Almaty qalasynyń Áýezov aýdandyq sotynyń úkimimen qalalyq Polısııa departamentiniń patrýldik polısııa polkiniń ınspektory B.Q.Tynyshtyqbaev 1 jylǵa bas bostandyǵynan aıyryldy. Oǵan, sonymen qatar, memlekettik qyzmette ómir boıy eńbek etý quqyǵy berilmeıdi. Ol TJ kezeńinde fıltrasııalyq blok-beketten kedergisiz ótkizý úshin azamattardyń birinen 20 myń teńge para alǵan, – dedi Danııar Bekaıdarov.