Elorda turǵyndary maska taǵyp júrý rejımin qatań saqtaýy kerek. Bul Covid-19 taratý táýekelin tómendetýge múmkindik beredi. Bul týraly onlaın-brıfıng barysynda qalalyq qoǵamdyq densaýlyq saqtaý basqarmasynyń basshysy Sáýle Qısyqova málimdedi.
«Mamyr aıynyń alǵashqy aptasynda aýrýshańdyq ósimi 4,9%-dy, ekinshi aptada 3,9%-dy qurady. Aýrýshańdyqtyń ósýi, jańa jaǵdaılardy tirkeý 20,5%-ǵa tómendegeni baıqalady. Karantındi alyp tastaý kezeńderi qalada syrqattanýshylyqtyń azaıýyna baılanysty ár jeti kún saıyn belgilenedi. Qurmetti qala turǵyndary, karantındi alyp tastaýdy jedeldetý tikeleı sizderge baılanysty. Infeksııanyń taralýyn boldyrmaý úshin bazalyq talaptardy qatań ustaný qajet», – dep atap ótti Sáýle Qısyqova.
Sondaı-aq ol qarapaıym qorǵanys quraldary – medısınalyq maskalar, áleýmettik qashyqtyqty saqtaý mańyzdylyǵyn atap ótti.