Atyraýda 17 adam qaýipti indetten aıyǵyp, úıine oraldy. Osylaısha, koronavırýstan jazylǵan pasıentterdiń sany 147-ge jetti.
Tótenshe jaǵdaı rejımin qamtamasyz etý jónindegi óńirlik jedel shtabtyń habarlaýyna qaraǵanda, búgin qaýipti indettiń shyrmaýynan shyqqan 16 adam – Teńiz kenishinde jumys istegen jumysshylar.
Sondaı-aq Atyraý qalasyndaǵy №4 emhananyń 57 jastaǵy medbıkesi de koronavırýstan jazyldy.
«Emdelýshilerden koronavırýs ınfeksııasyna alynǵan baqylaý testiniń qorytyndysy teris nátıjeni kórsetti. Búgin bul pasıentter ınfeksııalyq stasıonardan shyǵaryldy» - dep habarlady óńirlik jedel shtab.