Elbasy kitaphanasy qazaqtyń uly aqyny, aǵartýshysy, ǵulama oıshyly Abaı Qunanbaıulynyń 175 jyldyǵyna arnalǵan jyl saıynǵy «Abaı oqýlary» ádebı estafetasyn bastady.
Uıymdastyrýshylardyń aıtýyna qaraǵanda, «Abaı oqýlary» maqsaty:
– Elbasy N.Á.Nazarbaevtyń «Rýhanı jańǵyrý» baǵdarlamasyna jáne Qazaqstan Respýblıkasynyń Prezıdenti Q.K.Toqaevtyń Abaıdyń 175 jyldyq mereıtoıyn ótkizý týraly bastamasyna aqparattyq-ımıdjdik qoldaý kórsetý;
– Abaıdyń ádebı murasyn keńinen nasıhattaý, qazaqstandyq jastar arasynda oqý mádenıetin jáne ádebı talǵamdy jasaqtaý.
Ádebı estafetanyń sharttaryn keler bolsaq, birinshiden – Abaıdyń shyǵarmalaryn mánerlep oqyp, beınematerıalǵa túsirý (qazaq, orys, aǵylshyn jáne basqa tilderde) jáne estafetany odan ári jalǵastyratyn adamdy belgileý; ekinshiden – beınematerıaldy Facebook, Instagram áleýmettik jelileriniń birine #ElbasyKitaphanasyAbaı, #AbaıdyOqımyz175 nemese #BıblıotekaElbasyAbaı, #chıtaemAbaıa175 heshtegterimen júkteý bolsa, oqý estafetasyn ótkizý merzimi – 14-20 mamyr aralyǵyna josparlanypty. Sharanyń qorytyndysy boıynsha mánerlep oqýdan ozyq shyqqan qatysýshylar baǵaly syılyqtarmen marapattalady.