О́zbekstan koronavırýsqa baılanysty engizgen karantın merzimin taǵy 15 kúnge uzartty. Degenmen elde birqatar shekteý sharalary alynǵan. Bul týraly Uz.news agenttigi habarlady.
«О́zbekstandaǵy karantın rejımi maýsymnyń birine deıin uzartyldy. Arnaıy respýblıkalyq komıssııa osyndaı sheshim qabyldady. Degenmen karantın tártibi jeńildetilip jatyr. Aldaǵy dúısenbiden bastap el ishinde áýe jáne temirjol qatynasy qalpyna keledi. Atap aıtqanda, Tashkentten Núkis, Úrgenish pen Termez qalalaryna áýe reısteri ashylady.
Sondaı-aq el astanasynan Navoı, Buhara, Qarshy men Ferǵana ańǵaryna poıyzdar júre bastaıdy. Jergilikti bılik jeke kólikpen júrýge de ruqsat berdi» delingen habarlamada.