Qaýipti indettiń «qaqpanyna» Teńiz kenishinde jumys isteıtin sheteldikter de túsip jatyr.
Tótenshe jaǵdaı rejımin qamtamasyz etý jónindegi óńirlik jedel shtabtyń málimetinshe, búgin Teńiz kenishinde koronavırýsqa shaldyqqan 35 jumysshynyń arasynda Fılıppınniń bir, Úndistannyń úsh azamaty bar.
–Turǵylyqty mekenjaıyna shyǵar aldynda ótkizilgen skrınıng barysynda 34 er adam men 1 áıelden indet belgisi tabyldy. Barlyǵy da ınfeksııalyq stasıonarǵa jatqyzyldy. Hattamaǵa sáıkes em qabyldaýda. Naýqastarmen baılanysta bolǵandar dərigerler baqylaýyna alyndy. Infeksııa oshaqtaryna dezınfeksııa júrgizilip jatyr, dep habarlady óńirlik jedel shtab.
Búgin, 17 mamyrda Atyraý oblysynda koronavırýs ınfeksııasymen 541 adam tirkelip otyr. Al, indetten 160 adam jazylyp shyqty.