Halyqaralyq Túrki akademııasynyń bastamasymen jyl saıyn 18 mamyrda Túrki jazýy kúni atalyp ótedi. Bul ataýly data Qazaqstan Respýblıkasy Parlamentiniń sheshimimen jáne Úkimet qaýlysymen bekitilgen.
«Osyǵan oraı, Halyqaralyq Túrki akademııasy búgingi túrki jazýy kúnimen shyn júrekten quttyqtaıdy. Qazirgi tańda Halyqaralyq Túrki akademııasynda túrki jazýyn zerttep, aýdarýmen aınalysatyn «Túrkologııa, altaıstıka jáne mońǵoltaný» bólimi jumys isteıdi. Akademııa únemi túrkilerdiń jazý eskerkishterine qatysty tyń zertteýlerge qoldaý bildirip keledi. Atap aıtqanda, bıyl 24 sáýirde Akademııanyń bastamasymen IýNESKO deńgeıinde «Tonykók jyly» resmı jarııalanyp, Tonykók eskertkishiniń 1300 jyldyǵyna oraı álemniń 12 tilindegi aýdarmalary engizilgen «Bilge Tonyquq» jınaǵy jaryq kórdi», - dep habarlady Túrki akademııasynyń baspasóz qyzmeti.