Búgin Almatyda, ıaǵnı 18 mamyrda dezınfeksııalyq óńdeýdiń 16 kezeńi bastaldy. Túske deıin 2837 úıdiń 7922 kireberisi men 1311 aýla zalalsyzdandyryldy. Jumysqa 452 adamy bar 64 brıgada tartyldy.
Kósheler men trotýarlardy jýý jáne dezınfeksııalaýǵa kelsek, 17 mamyr kúni 5 000 myń sharshy metr kóshe, onyń ishinde 64 áleýmettik mańyzy bar nysandardyń (Alataý aýdany – 7, Almaly aýdany – 10, Áýezov aýdany – 11, Bostandyq aýdany – 14, Jetisý aýdany – 5, Medeý aýdany – 8, Naýryzbaı aýdany – 3, Týrksib aýdany – 6) kire beristeri, kirmeleri, irgeles jatqan aýmaqtary, 632 myń sharshy metr trotýarlar jáne 846 basqa da nysandar, 127 konteınerlik alań men 620 konteıner óńdeldi. Atalǵan jumysqa barlyǵy 85 dezınfektor tartyldy.
Kósheler men trotýarlar, áleýmettik mańyzy bar nysandar (kire beristeri, kirmeleri, irgeles jatqan aýmaqtary) kóshe jáshikteri jáne odan basqa nysandardy (oryndyqtar, aıaldamalar, jerasty jáne jerústi jaıaý júrginshiler ótkelderin) jýý jáne dezınfeksııalaý úshin:
– 145 birlik arnaıy tehnıka (onyń ishinde dezınfeksııaǵa arnalǵan 66 birlik);
– 1117 jol jumysshysy (onyń ishinde 127 dezınfektor).
550 myń lıtr eritindi paıdalanyldy (jumys bastalǵannan beri barlyǵy – 18 554 myń lıtr eritindi qoldanylǵan).
Sonymen 294 konteıner alańyna deratızasııalaý jumystary júrgizildi. Jumys kestege sáıkes jalǵasýda. 8 brıgada, 40 deratızator jumyldyryldy.
Bir táýlik ishinde shyǵarylǵan qoqys kólemi 1100 tonnany qurady.
18 mamyr kúngi josparly jumystar:
– 149 birlik arnaıy tehnıka (onyń ishinde 75 birlik dezınfeksııaǵa);
– 1198 jol jumysshysy (onyń ishinde 136 dezınfektor).
Konteınerlik alańdardy óńdeýge 12 brıgada, 85 dezınfektor, 8 brıgada jáne 40 deratızator jumyldyryldy.
ALMATY