Maqtaaraldaǵy topan sýdan zardap shekken turǵyndarǵa Batys Qazaqstan oblysynan 20 tonnadaı gýmanıtarlyq kómek keldi.
Bul kerýendi Nur Otan partııasy Batys Qazaqstan oblystyq fılıaly jergilikti kásipkerlerdiń kómegimen uıymdastyrǵan.
Jalpy quny 10 mln teńgelik kómek Atakenttegi ortalyq qoımaǵa jetkizildi. Aqjaıyqtyń jaǵalaýynan kelgen azamattar turǵyndardyń suranysyna sáıkes, azyq-túlikpen qatar ózge de turmystyq zattardy ala kelipti. Onyń ishinde 1 tonna un, 1500 lıtr ósimdik maıy, 2000 dana konservilengen taǵam, 1000 dana turmystyq ydystar, 300 matras pen jyly jamylǵy, «Talap» AQ-nyń antıseptıkteri, gıgıenalyq zattar men jórgekter de bar. Batystaǵy aǵaıynnyń ystyq yqylasyn jetkizgen azamattar maqtaaraldyqtarǵa kómek kórsetýge árdaıym daıyn ekenderin bildirdi.
Túrkistan oblysy