«Damý» qorynyń Aqtóbe oblysyndaǵy aımaqtyq fılıalynda «Damý-Kómek» baǵdarlamasy boıynsha múmkindigi shekteýli jandarǵa kómek kórsetý jalǵasyn tabýda. Bul joly qor ekinshi toptaǵy múgedek kásipker Ǵanı Syrlybaevqa kilt jasaýǵa arnalǵan qural-jabdyqty syıǵa tartty. Otyz alty jasar Ǵanı 2001 jyly jol apaty saldarynan múgedek bolyp qalǵan-dy. Alaıda, taǵdyr artqan qıyndyqqa moıymaǵan ol ilgeri kúnge úmitpen qarap, ómir súrip keledi. Qaısar jigit qol-aıaǵy balǵadaı jastardyń ózi atqara almaıtyn sharýalardy dóńgeletip júr.
«Damý» qorynyń Aqtóbe oblysyndaǵy aımaqtyq fılıalynda «Damý-Kómek» baǵdarlamasy boıynsha múmkindigi shekteýli jandarǵa kómek kórsetý jalǵasyn tabýda. Bul joly qor ekinshi toptaǵy múgedek kásipker Ǵanı Syrlybaevqa kilt jasaýǵa arnalǵan qural-jabdyqty syıǵa tartty. Otyz alty jasar Ǵanı 2001 jyly jol apaty saldarynan múgedek bolyp qalǵan-dy. Alaıda, taǵdyr artqan qıyndyqqa moıymaǵan ol ilgeri kúnge úmitpen qarap, ómir súrip keledi. Qaısar jigit qol-aıaǵy balǵadaı jastardyń ózi atqara almaıtyn sharýalardy dóńgeletip júr.
– О́zimniń mamandyǵym – usta, biraq apattan keıin jumyssyz qaldym. Úıde bos otyrǵym kelmedi, sondyqtan aıaq kıim jóndeıtin sheberhana ashýdy uıǵardym, bul iste ájeptáýir tájirıbem de bar edi. Zeınetaqymnan aqsha jınap, dúń-girshek pen qural-saıman satyp alyp, isimdi bastadym, – deıdi Ǵanı.
Ǵanıdyń aıaq kıim jóndeýmen aınalysqanyna úsh jyl boldy. О́ziniń turaqty tutynýshylary da bar, jóndeýden basqa aıaq kıim tigýmen de aınalysady. Ǵanı Reseıde arnaıy mektepte aıaq kıim óndirý isin oqýdy armandaıdy. Keıde aıaq kıim jóndeýden basqa kilt jasaýǵa tapsyrystar da túsedi eken.
«Damý-Kómek» múgedek kásipkerlerge qoldaý kórsetý baǵdarlamasy týraly men gazetterden oqydym. О́zimniń kilt jasaıtyn qural-jabdyqtar satyp alýǵa qarajatym jetpegendikten kómek suraýdy uıǵardym. Osyndaı jaqsy adamdar tabylǵanyna yrzamyn», deıdi ol.
Ǵanı Syrlybaevqa demeýshilik kómekti «Halal» JShS dırektory Ashat Sısen kórsetti. Bul kásiporyn «Bıznestiń jol kartasy-2020» baǵdarlamasy boıynsha taksı qyzmetin kórsetý úshin kólik satyp alýǵa jeńildikpen nesıe alǵan bolatyn.
– Biz memleket tarapynan myqty qoldaý kórdik, endi ózimiz múmkindigi shekteýli kásipkerge kómek berýdi uıǵardyq. Bizdiń kásiporyn jańa ǵana damyp kele jatyr, ókinishke qaraı, muqtaj adamdardyń barlyǵyna birdeı kómektesý ázirge qolymyzdan kelmeı tur, – deıdi Ashat Sısen.
Buny naǵyz kásipkerliktiń áleýmettik jaýapkershiligin túsinýdiń úlgisi dese de bolǵandaı. Osyndaı ımandylyq qadamdary arqyly múmkindigi shekteýli jandar ózderin qoǵamnyń tolyqqandy múshesi retinde sezinedi.
Satybaldy SÁÝIRBAI,
«Egemen Qazaqstan».
Aqtóbe oblysy.