Topan sýdan zardap shekken maqtaaraldyq turǵyndardyń jaǵdaıyn ramazan aıynda suraı kelgen Qazaqstan musylmandar dinı basqarmasynyń tóraǵasy, Bas múftı Naýryzbaı qajy Taǵanuly qaıyrymdylyq jasaýdy da maqsat tutypty. Qajy ózimen birge ortalyqtandyrylǵan qoımaǵa 30 tonna un alyp keldi. Sondaı-aq, oblystyq qaıyrymdylyq qoryna kómek retinde aýdarylatyn 10 mln teńgeniń sertıfıkatyn tabystady.
Nur Otan partııasy oblystyq fılıal tóraǵasynyń birinshi orynbasary Beısen Tájibaev Bas múftıdi sý alǵan aýyldar men evakýasııalyq beketterde júrgizilip jatqan jumystarmen tanystyrdy. Maqtaaral aýyldyq okrýgi men Atakent kentindegi evakýasııalyq beketterde bolyp, turǵyndarmen ken Naýryzbaı qajy Taǵanuly aýyzasharǵa arnap «Ramazan táttisin» usyndy. «Apat aıtyp kelmeıdi. Jaratýshy bizge osyndaı synaq bergen eken. Endeshe sabyr saqtaı otyryp, synan súrinbeı ótýdi jazsyn dep tileıik. О́zderińiz biletindeı, elimizdiń túkpir-túkpirinen kóptegen kómek arqyly barsha halyq qoldaý tanytyp jatyr. Kómek qolyn sozyp maqtaaraldyqtarmen birge ekenin bildirip jatqan barlyq azamattarǵa Alla razy bolsyn. «Árbir istiń qaıyry bolady» demekshi Alla qalasa Úkimet tarapynan salynyp jatqan sý jańa úılerge qonystanatyn bolasyzdar. Budan keıin qýanyshty kúnder kóp bolsyn», dedi Bas múftı.
Sapar sońynda Naýryzbaı qajy Jetisaı aýdanynda bolyp, «Baspanaǵa jol» qaıyrymdylyq qory esebinen salynǵan 3 birdeı úıdiń kiltin áleýmettik az qamtylǵan otbasylarǵa saltanatty túrde tabys etti.
Túrkistan oblysy