Jaýapkershiliktiń jańa belesi

Kókshetaýdaǵy «Dostar» mádenıet saraıynda «Nur Otan» HDP Aqmola oblystyq fılıalynyń kezekten tys HVII konferensııasy bolyp ótti.

Kókshetaýdaǵy «Dostar» mádenıet saraıynda «Nur Otan» HDP Aqmola oblystyq fılıalynyń kezekten tys HVII konferensııasy bolyp ótti.

О́ńirdegi 436 bastaýysh­ uıym­nan saılanǵan delegattar aldynda óńir basshysy, partııanyń oblystyq fılıalynyń tóraǵa­sy Qosman Aıtmuhametov «Qa­zaq­stan-2050» Strategııasyn jú­zege asyrýdaǵy partııanyń jańa mindetteri, «Nur Otan» nur­ly bolashaq jolynda!» jańa Saıası doktrınasynyń mańyzy» taqyrybynda baıandama jasady. Konferensııa jumysyna «Nur Otan» HDP Saıası keńesi bıý­rosynyń múshesi, Parlament Májilisiniń depýtaty Svetlana Ro­manovskaıa qatysyp, sóz sóıledi.

Halyq senimi barlyq isterdiń tutqasy sanalatyny belgili. Ústimizdegi jyly oblys kólemindegi qoǵamdyq qabyldaýlarda úsh myńnan astam adamnyń ótinish-tilekteri qaraldy. Bul byltyrǵy merzim­men salystyrǵanda 20 paıyzǵa artyq. Biraq, azamattar kótergen máselelerdiń basym kópshiligi jergilikti organdar arqyly sheshilýge bolatynyn eskertken Q.Aıtmuhametov aldaǵy kezde memlekettik organdardyń birinshi basshylary aımaqtyq fılıaldar qabyrǵasynda jáne aýyldarda kóshpeli qabyldaýlar uıymdastyrýyn mindettedi.

Baıandamashy oblysta partııa músheleriniń qatary únemi ósip, 37 myńnan asqanymen, shaǵyn jáne orta bıznes, sharýa qojalyqtary ókilderiniń sany az ekendigin alǵa tartyp, bastaýysh uıymdar sapalyq quramdy nyǵaıtý jumystaryn jaqsartýy qajettigin tapsyrdy. Sondaı-aq, partııanyń san-salaly qyzmetinde «Jas Otan» jastar qanatynyń jumysyna kómek-qoldaý kórsetip, zamana aýanyna baǵyttaý kúndelikti nazarda ustalýǵa tıistigin atap kórsetti. Qazir alty myń múshesi bar jasotandyqtar barlyq deńgeıdegi májilisterdiń on mandatyna ıe bolyp otyr. Oblysta jas saıasatker mektebi, jas saıasatker klýby jumys isteıdi. Olar zamanaýı tehnologııalardy meńgerý jáne basqa áleýmettik baǵdarlamalarǵa belsendi túrde qatysýmen birge, týǵan tarıh pen salt-dástúrler qundylyǵyn dáripteýde ıgi yqpal jasap otyr.

Konferensııa delegattary «Nur Otan» HDP Saıası doktrınasynyń jobasyn qyzý qoldap, partııanyń HV sezine 68 delegatty saılady.

Baqbergen AMALBEK,

«Egemen Qazaqstan».

Aqmola oblysy.