Almaty qalasynyń ákimi Baqytjan Saǵyntaevtyń tapsyrmasymen megapolıste jaz maýsymynda balalarmen jumys isteýge daıyndyqtar bastaldy. Bul týraly búgin Almaty qalasy óńirlik kommýnıkasııalar qyzmetiniń alańynda ótken onlaın brıfıngte Almaty qalasy bilim Basqarma basshysy Lázzat Jylqybaeva baıandady.
Atalǵan jumysty qalalyq Sport, mádenıet jáne qoǵamdy damytý basqarmalarymen birlesip uıymdastyrý josparlanyp otyr.
Demek, bul – balalarǵa arnap shyǵarmashylyq úıirmeler men sport seksııalaryn uıymdastyrý; onlaın sharalardy ótkizý; qalanyń mádenı jáne sport nysandaryna balalardyń barýyn uıymdastyrý;
Sózsiz, bul jumystar balalardyń qaýipsizdigin qamtamasyz etýde barlyq sanıtarlyq talaptar eskerile otyryp uıymdastyrylatyn bolady.
Jazǵy maýsymnyń jańa oqý jylyna daıyndyq ýaqyty ekenin de atap ótý kerek, degen Lázzat Jylqybaeva 1 maýsymnan 30 tamyzǵa deıin 1 synypqa baratyn balalardyń zańdy ókilderinen bilimalmaty.kz portaly arqyly ótinishter qabyldanatyndyǵyn atady.
Atalǵan prosedýra boıynsha qazir ata-analar arasynda qajetti túsindirý jumystary júrgizilýde.
Jalpy boljamdy málimetterge sáıkes, 1synyptarǵa 30 myńnan astam bala qabyldanady.
ALMATY