«Osy máselege baılanysty, bizdiń tarapymyzdan mektepterde oryn jetispeýshiligin azaıtý boıynsha kezeńdi jumystar jalǵasyn tabýda»-, dedi búgin Almaty qalasy óńirlik kommýnıkasııalar qyzmetiniń alańynda ótken onlaın brıfıngte Almaty qalasy bilim Basqarma basshysy Lázzat Jylqybaeva.
Qysqasy, qalalyq bilim Basqarmasy basshysynyń málimdeýinshe, búgingi kúni memlekettik mektepterdiń 40 paıyzyna kóp salmaq túsip otyr, qazirgi tańda oryn jetispeýshiligi 30 myń oryndy quraıdy, al 2020-2022 oqý jylynda bul kórsetkish 60 myń orynnan asady.
– Mektepterdegi jyl saıynǵy turaqty ósim týý jáne ishki mıgrasııaǵa baılanysty bolyp otyr. 2018 jylǵa deıin kontıngent orta eseppen 12 myń oqýshyǵa, al 2019 jyly 17 myń oqýshyǵa ósken. Qala mektepterindegi oryn jetispeýshilikti azaıtý úshin 2022 jylǵa deıin arnaıy Bilim berý nysandarynyń jedeldetilgen qurylysy baǵdarlamasy jasaldy. Sonymen birge, mańyzdy atap ótetin jaıt, Baqytjan Saǵyntaev «Shekarasyz qala» qaǵıdasyn qaperde ustaı otyryp, búkil qala boıynsha bilim berý sapasyn birtindep arttyrý mindeti qoıylǵan bolatyn-, deıdi Lázzat Jylqybaeva.
Sonymen Almaty qalasy bilim Basqarma basshysy Lázzat Jylqybaeva habarlaǵandaı, jalpy qaladaǵy mektepterdiń qurylysy kelesideı mehanızmder boıynsha júzege asyrylýda:
Birinshi. «JQJK» baǵdarlamasynyń aıasynda bıyl qala ortalyǵynan shalǵaıdaǵy Alataý, Naýryzbaı jáne Túrksib aýdandarynda 9 mektep qurylysy bastaldy. Ol mektepter 12900 orynǵa jáne 7000 orynǵa arnalǵan mektepterge 13 japsarlas qurylys salý josparlanýda.
Barlyǵy 19 900 oryn qurylyp, ol 2021 jyly paıdalanýǵa berilmek.
Ekinshi. Jershilikti jáne respýblıkalyq bıýdjet esebinen qarjylandyrý. Qazirgi ýaqytta 1800 orynǵa shaqtalǵan 2 mekteptiń qurylysy (Mamyr sh/a jáne Nurshashqan) jáne 3642 orynǵa shaqtalǵan mektepterge 8 japsarlas qurylys júrgizilýde.
Barlyǵy 5442 jańa oryn ashylyp, 2020-2021 jyly paıdanýǵa berilmek.
Úshinshi. Bıyl 5700 orynǵa shaqtalyp 5 mektep salynady. 600 orynǵa arnalǵan mektepke jalǵasa salynatyn 2 japsarlas qurylys bastaldy.
Barlyǵy 2020-2021 jyly 6300 oryn qurý josparlanýda.
Tórtinshi. Jeke sektor. Ústimizdegi jyly 2240 orynǵa shaqtalǵan 4 jekemenshik mektep ashý josparlanýda. Ekeýi bıylǵy jyly ashylsa, taǵy ekeýi 2021 jyly ashylmaq.
Osylaısha, 2020-2021 jyldary 16 mektep pen 23 mektepke japsarlas salynǵan qurylys eksplýatasııaǵa engiziledi. Olardyń jalpy orny – 47 463.
2021 jyldyń 1 qyrkúıeginde oryn jetispeýshiligi 80 paıyzǵa qysqarady. Al kúsh túsip otyrǵan memlekettik mektepter 44-ke deıin qysqaryp, jalpy esepte 20 paıyzdy quraıdy.
2021 jyldyń 1 qyrkúıeginde oryn jetispeýshiligi 12 myńdy quraıdy, bul kórsetkish 2021-2022 jyldarǵa josparlanǵan mektepterdiń qurylysy esebinen azaıyp otyrmaq.
Sonymen birge, 2020 jyldyń jaz maýsymynda josparly túrde alty mektepte: №7, 40, 45, 54, 81, 114 kúrdeli jóndeý bastalyp, seısmologııalyq kúsheıtý júrgiziledi.
ALMATY